ممدوح موسى: بتراهن مع عمرو دياب بقالي 30 سنة وبكسب ومبيدنيش حاجة
قال الإعلامي ممدوح موسى، « أنا مش بس بحب الفن أنا ربنا مديني حتة من كل الفنانين بيقولولي يا ممدوح تعالى شوف الألبوم ده فأنا اقوله مثلا الغنوة دي هي اللي هتضرب وأنا بقالي 30 سنه بتراهن مع عمرو دياب وبكسب ومابيدينيش حاجه خالص من الرهان».
وأضاف خلال لقائه عبر برنامج «كلام الناس» مع ياسمين عز المذاع على قناة إم بي سي مصر، « أنه من سنتين كده عمرو دياب جابلي ماك استديو ده احدث جهاز مونتاج في العالم ومكانش في رهان بس هو حس أنه بيكافئني بعد 30 سنة».
وفي سياق آخر، قال الإعلامي ممدوح موسى، «وأنا في العزا بتاع الفنان الكبير الراحل هاني شاكر شوفت مصر كلها والعالم العربي كله بيعزي في هاني وهذا الرجل بالفعل متعنا وأنا عرفت الحب على أغانيه».
كان دمه خفيف جدا
وأضاف خلال لقائه عبر برنامج «كلام الناس» مع ياسمين عز المذاع على قناة إم بي سي مصر، «كان دمه خفيف جدا وطبيعته ونجاحه وخفة دمه كان كل ده وراه زوجته نهلة وبرضو من غير زوجته نهلة مكانش هيبقى في هاني شاكر كده».
قال الإعلامي ممدوح موسى معلقا على فترة غيابه عن الساحة الإعلامية، قائلا إنه السبب هو الظروف، وإنه «كان في حرب زمان جامدة جدا عشان كنت بعمل برامج مختلفة وقبل كده كان في تغيير في الوزراء زمان فساعات كان في وزير مبيحبنيش».
أنا وقفت شوية
وأضاف، خلال لقائه عبر برنامج «كلام الناس» مع ياسمين عز المذاع على قناة إم بي سي مصر، «فأنا وقفت شوية وبعد كده رجعت في عام 2015 عملت برنامج ومن وقتها بعمل برنامج لحماقي والبرنامج ده حضرناله لمدة 10 سنين وسافرنا 20 أو 30 دولة وخد مني مجهود جامد جدا وخد من حماقي برضو مجهود»، معلنا عن عمله الجديد الذي يعد له حاليا يخص الفنان عادل إمام.
وتابع: «أن مشروع حماقي تم البدء فيه منذ عام 2016 وروحنا أمريكا ورومانبا وتونس وغيرهم كتير من البلاد وتقريبا صورت 40 حفلة معاه».
