مفيدة شيحة تكشف 5 أمور تغيرت فيها بعد الـ50: المواظبة على الصلاة وتكبير الدماغ
كشفت الإعلامية مفيدة شيحة عن تغيرات كثيرة ظهرت عليها بعد بلوغها سن الخمسين، مثل القوة والحزم في اتخاذ القرار وتكبير الدماغ، والحرص على المواظبة في الصلاة، مشيرة إلى أن بعد هذا العمر تتغير كثير من الأمور.
وروت مفيدة تجربتها الشخصية عن الأمور التي تغيرت بها، وقالت في فيديو عبر حسابها بموقع إنستجرام: “بعد سن الخمسين في حاجات بتتغير فينا، وأنا هقولكم الحاجات اللي اتغيرت فيا أنا، أكتر حاجة لاحظتها بعد سن الخمسين وما بعد كده، رقم واحد القوة والحزم في اتخاذ القرار، رقم اتنين وكأن سبوت لايت بينور في مخك، يخليك تشوف حاجات مكنتش شايفها في نفسك أو يخليك تاخد بالك من حاجة بتريحك، أنا المطبخ بيريحين قد إيه بيديني إحساس بالراحة النفسية رغم أن اكلي طعمه وحش، مش تناكة لكن أنا ما دخلتش المطبخ من خمسين سنة".
وأضافت:"رقم تلاتة بعد الخمسين في حاجات بتظهر في دماغك مكنتش مهتم بيها زي إنك تقول عاوزة اعمل عمرة وأواظب على الصلاة بعد الخمسين مفيش لسه بدري لازم أواظطب على الصلاة ولازم اعمل عمرة، رقم أربعة، تكبير الدماغ وكتاب الله أكون فاهمة كل حاجة وقارية القاعدة كلها وكأني هبلة، رقم خمسة وآخر حاجة حصلت ليا الحنين على رأي وردة حنين للأب والأم بيزيد أوي”.
