حلال بشرط.. أبو الغار يكشف تفاصيل أول فتوى عن أطفال الأنابيب في مصر

استضافت الإعلامية منى الشاذلي العالم المصري الدكتور محمد أبو الغار، رائد تقنية أطفال الأنابيب في الشرق الأوسط، للحديث عن كواليس أول عملية أطفال أنابيب ناجحة في مصر والشرق الأوسط، بعد مرور 40 سنة على الحدث اللي وصفته بأنه "نقلة علمية كبيرة جدا".

التجهيز لأول معمل أطفال أنابيب

وكشف «أبو الغار»، خلال لقاء مع الإعلامية منى الشاذلي، ببرنامج «معكم»، تفاصيل التجهيزات والتحضيرات لعمل أول معمل أطفال أنابيب في صمر، قائلا، «بدأنا نرتب ونشتري الحاجات ونجهز لمدة سنة كاملة، والتمويل كله كان مننا، من فلوسنا، ذاتي خالص".

وعن افتتاح المركز، قال: "قررنا إن احنا نعمل افتتاح في عيد الأم 21 مارس 1986، وافتتحنا واشتغلنا، وأول بنت اتولدت".

من جانبه قالت، ابنته الدكتورة منى أبو الغار: "كان فيه أطباء عندهم عدم ثقة، لأن دي كانت حاجة جديدة خالص، والناس مش مصدقة إن ده هيحصل منه نجاح، وفيه مخاوف دينية، الناس بتقول ده حرام".

فتوى من شيخ الأزهر والمفتي

وأضاف: "الدكتور جمال أبو السرور جاب من شيخ الأزهر والمفتي الفتوى اللي أثبتت إن مفيش حاجة حرام طالما ده من الزوج والزوجة والحمل بيتم أثناء عقد الزواج".

وأكد: "إحنا اهتممنا لم يكن فقط إن احنا ننجح ونعمل أطفال أنابيب، لا، إحنا كنا مهتمين بالجانب العلمي، إننا لازم نشترك مع العالم في البحث العلمي ده".

أول تجربة طفلة أنابيب

وفي سياق متصل، قال «أبو الغار»: بعد نجاح تجارب أطفال الأنابيب في أمريكا وفرنسا وألمانيا، وقال: "بدأ التفكير الجدي لعمل هذه التجربة في مصر، سافرت كوبنهاجن وإنجلترا عشان أتعلم الجزء الإكلينيكي وأتأكد بيتعامل إزاي، فضل المعمل، والمعمل ده جزء مهم جدًا، الموضوع كان صعب قوي.

وتابع: صديقي الدكتور محمد شرف قال لي أنا أعرف ناس في أمريكا ممكن يساعدوك، وفعلاً جه مندوب من كاليفورنيا، وكان لهم طلبات كتير جدًا عشان يعملوا المعمل، ووافقنا عليها كلها ما عدا طلب واحد، قالوا مش عاوزين أي حد من المصريين يدخلوا المعمل، فقلنا لهم لازم المصريين يتعلموا يعملوا المعمل ده إزاي".

واستكمل: "أنا قاعد في قصر العيني، لقيت سكرتارية القسم جايبالي جواب، فتحته لقيته من الدكتورة رجاء منصور، وكانت نائب عندنا قبل كده واختفت، طلع إنها سافرت أمريكا مع جوزها، وبالصدفة كانوا بيعملوا مركز أطفال أنابيب هناك، فراحت اشتغلت في المعمل 3 سنين".