تامر حسني عن الصدقة: "لو دوقت مردودها هتدمنوا التصدق"
شارك الفنان تامر حسني أحد تأملاته عن الصدقة، حيث أوضح ذلك من خلال مردود التصدق الذي يشعر به، وذلك من خلال منشور عبر حسابه الرسمي على موقع التواصل الإجتماعي فيسبوك.
تامر حسني يتحدث عن التصدق
حيث قال تامر حسني معلقًا: “شوفت الڤيديو ده بالصدفة و بعيداً عن إنه بجد أو ai، بس جه على بالي مبدأ أنا عايش بيه لو حد أعجب بيه ياريت يطبقه على حسب مقدرته، ثقة البني آدم إن مردود الصدقة بيرجعلك زي بالظبط الزرعة دي اتحط زرعة واحدة أو حباية واحدة طلعت آلف ثمرة ، لازم تصدق إن ربنا بيعمل معاك كده في الصدقة بس أنت مش شايف ، المردود ده حاجه حاصلة بس في الغيب و لازم لازم تصدقها رغم إنك مش شايفها و لو دوقت حلاوتها بجد هتدمن متعة التصدق و مساعدة الغير و برضو حسب مقدرتك، و مش لازم فلوس بس ، ممكن خدمة لحد ، إبتسامة ، طبطبة ، نصيحة ، شيل إيذاء عن حد المهم تكون بتعمل ده لربنا بس و شكراً، و أجمل صباح الخير عليكم كلكم يا أغلى الناس يارب بحق الصباح ده تفرحوا بكل حاجة خير بتتمنوها و تحققوا كل أحلامكم يارب”.
تامر حسني يتحدث عن الفتنة الغذائية
وفي سياق منفصل، قد ناشد الفنان تامر حسني وزارة الصحة والسكان لعمل فيديوهات توعوية وتقديم نصائح للجمهور بما يؤكل أو نمتنع عنه، بالتزامن مع انتشار ما يُسمى بالفتنة الغذائية بعد نظام الطيبات الذي أطلقه ضياء العوضي، وذلك من خلال منشور عبر حسابه الرسمي على موقع التواصل الإجتماعي فيسبوك.
حيث قال تامر حسني: “في ظل الفتنة الغذائية اللي حاصلة في مصر وحديث كل الناس دلوقتي عن إيه المفيد لينا وإيه المضر هل ممكن أناشد وزارة الصحة المصرية وكبار الدكاترة المختصة وأصحاب المستشفيات بردود كافية فيها شرح مفصل عن إيه الأكل المفيد لينا وإيه اللي مش مفيد وياريت يكون شرح مفصل يفهمه الشخص العادي من غير أي مصطلحات طبية أجنبية؟؟؟”.
واستكمل تامر حسني منشوره موضحًا: “أولاً الخضار أمثال الخس والجرجير و ورق العنب وكل الورقيات مفيدة ولا لأ، وإزاي نطمن إنها مش مرشوشة مواد تمرض الناس، ثانياً البيض والفراخ اللي في بلدنا ناكله إزاي وإزاي نميز ونطمن إنه مش محقون وإزاي نعرفه لو محقون، ثالثاً شرب المية بكثرة كما تعلمنا مفيد ولا لأ، رابعاً الحليب مضر ولا كويس وإيه الصح اللي نشربه، خامساً الأدوية لازم تتاخد ولا مش لازم ولا مش أي أدوية تتاخد!!!”.
