محمد ثروت: علاقتي بالفنان هاني شاكر استمرت ٤٥ سنة كلها إنسانية

كشف الفنان محمد ثروت عن كواليس علاقته الطويلة بالفنان هاني شاكر، مؤكدا إن صداقتهم بدأت من أول خطواته الفنية واستمرت أكتر من 45 سنة مليانة مواقف إنسانية وفنية.

محمد ثروت يكشف تفاصيل لقائه بـ هاني شاكر 

وقال ثروت خلال مداخلة ببرنامج الحكاية: تعرفت على هاني شاكر زمان أثناء مشاركته في مسرحية “مصر بلدنا” في فترة الرئيس السادات، واللي كانت بطولة فايزة أحمد وهاني شاكر، وكان ليه فيها جزء غنائي صغير. ومن وقتها بدأت العلاقة بينهم، وكانوا بيتقابلوا كتير عند الشاعر محمد حمزة، ومع الوقت قربوا من بعض جدا.

وأوضح: أكتر حاجة ميزت هاني شاكر هي تواضعه وخفة دمه، وإنه كان سهل جدا الواحد يحبه ويحس إنه أخ قريب ليه، مضيفا إن علاقته بيه اتطورت وبقوا أصدقاء مقربين جدا، خصوصا بعد الجواز، وبقت العلاقة عائلية كمان.

وأضاف ثروت: كان دايما موجود في المناسبات المهمة، وحتى وقت ولادة بنته داليا، كان قريب منهم جدا، لدرجة إنه كان بيحس إنه أخ يقدر يعتمد عليه في أي وقت. وتابع: كنا بنقعد مع بعض كتير، ونهزر ونضحك، لأن هاني شاكر كان بيعشق خفة الدم والجو اللطيف.

شاكر واحد من أعمدة الغناء في مصر

و أكد إن هاني شاكر واحد من أعمدة الغناء في مصر، وقدر يثبت نفسه وسط عمالقة كبار رغم صغر سنه وقت ظهوره، وكان دايما محط جدل لأنه فنان مهم ومؤثر.

وكشف عن كواليس أغنية “بلدي”، وقال إنها كانت مكتوبة له في الأساس، لكنه حب يشارك فيها هاني شاكر، وافق، وحق نجاح كبير جدا وقتها لسه مستمر لحد دلوقتي.

وعبر محمد ثروت عن حزنه الشديد، مؤكدا إن فقدان هاني شاكر وجعه جدا، لأنه كان شخص قريب منه جدا، ووصفه بأنه إنسان نقي وصوته فضل محافظ على جماله لحد آخر عمره، وده شيء نادر في عالم الغناء.

ودعا له بالرحمة، مؤكدا إن ذكراه ستظل موجودة، وإنه كان مثال للفنان المحترم والإنسان الطيب الذي ليس له أي عداوة مع أحد.