أحمد موسى: قناة السويس تحولت إلى قلعة صناعية وليست مجرد ممر ملاحي

أكد الإعلامي أحمد موسى، أن هناك من يتعمد ترويج الأكاذيب وتصدير صورة سوداوية عن الأوضاع في مصر، مشيرا إلى استيائه من مقال لأحد الكتاب تضمن معلومات مغلوطة عن قناة السويس، حيث قال: «من كام يوم كده كان واحد كاتب مقال، قريته استغربت جدا بس ده العادي بتاعه، كلامه كله سواد من 2011، بس الخطير كان بيتكلم على قناة السويس، وكل الكلام اللي كاتبه كله كلام فارغ، عارفين خرافات؟ هبد على قناة السويس».

توطين الصناعة والتصدير

وأوضح أحمد موسى، خلال تقديمه برنامج «على مسؤوليتي» المذاع عبر قناة «صدى البلد»، أن قناة السويس لم تعد مجرد ممر ملاحي بل تحولت لقلعة صناعية كبرى، لافتا إلى أن الهيئة نجحت في تنويع أنشطتها، معقبا: «أنت مش عايش معانا؟ القناة النهارده غير السفن ده عندها موضوع تاني خالص، ده عندها إيرادات من شركات تابعة، بتعمل تصنيع لليخوت ووحدات بحرية محتاجين نصدرها، وفعلا صدروا وحدات قطرات لإيطاليا من قناة السويس وبيعملوا تعاقدات إضافية دلوقتي».

مشروعات قومية عابرة للحدود

وقال موسى، إن نجاحات القناة وصلت إلى خارج الحدود المصرية، مستشهدا بتطوير الموانئ في دول الجوار، حيث قال: «ما تعرفش أن قناة السويس عملت ميناء في ليبيا؟ الميناء ده متوقف من 2011 وهي اللي عملته وطورته وافتتحته وكل شيء، قناة السويس عملت كده في ميناء سرت في ليبيا، وما تعرفش أن قناة السويس بتعمل توطين الصناعة اللي سيادة الرئيس بيتكلم عليها في سفن الصيد أعالي البحار ودي صناعات ثقيلة».

القناة تصدر السفن واليخوت للخارج

وأشار الإعلامي أحمد موسى، إلى الجولات المستمرة للفريق أسامة ربيع لمتابعة التصنيع، مؤكدا أن الإنتاج المصري أصبح مطلوبا عالميا، حيث أوضح: «الفريق أسامة ربيع كل أسبوعين تلاتة يروح يتفقد السفن والقطرات اللي بيتم تصنيعها، وبنصدر يخوت بتجيب دولارات، وفي دولة طالبة تقريبا 30 أو 40 سفينة صيد من هيئة قناة السويس هيتم تصديرهم ليهم، دي فلوس داخلة للقناة مش بس بياخدوا عبور سفن يا سيدي».

رسالة قوية لأصحاب الأقلام "السوداء"

وأضاف موسى، أن البحث عن الحقيقة أبسط بكثير من كتابة "الهراء"، مختتما حديثه بتوجيه نصيحة لصاحب المقال: «قبل ما تكتب اسأل، اعمل بحث قناة السويس بتعمل إيه هيطلع لك، بدل ما تكتب كلام فارغ هراء وخرافات في زمن غريب، القناة النهارده عندها عنوان تنويع مصادر الدخل والأنشطة بتاعتها بتزيد، هي القناة معتمدة بس على سفن رايحة وسفن جاية؟ لا الرئيس حط لهم خطة والفريق أسامة ربيع بينفذها وده مشروع قومي كبير».