«كلامه غلط وخطير جدا».. نقيب الأطباء عن نظام الطيبات: توصياته عكس الثابت علميا

علق الدكتور أسامة عبد الحي نقيب الأطباء، عن ما يتعلق بنظام الطيبات المنسوب للدكتور الراحل ضياء العوضي وأيضا ما قاله الأخير عن الأمراض مثل السكر والكلى، وذلك للبحث حول صحة ماقاله الطبيب الراحل، قائلا: « إننا أجرينا تحقيقات مع ناس متخصصه عن ما قاله الدكتور ضياء العوضي عن مرض السكر فبعتناه للجمعية المصرية لعلاج السكر ولأساتذة أمراض الباطنة والسكر واللي قاله برضو في زراعة الكلى بعتناه أيضا لأساتذة زراعة الكلى وأيضا اللي قاله عن الأورام بعتناه لأساتذة الأورام وهكذا أياض مع باقي الأمراض». 

كلمتين صح و 10 غلط وتوصياته غلط

وأضاف خلال مداخلة عبر برنامج «حضرة المواطن» مع الإعلامي سيد علي المذاع على قناة الحدث اليوم، « وبعد ذلك جالنا تأكيدات بما لا يدع مجالا للشك إطلاقا وإنه كلامه بيخلط بين كلمتين صح و 10 غلط ويوصل لتوصيه في الأخر خطر جدا مش بس توصية وتوصية عكس الثابت علميا يعني لا يمكن أنه نقول لمرض سكر الأطفال الصغيرين اللي هما النوع الأول من السكر متاخدوش دوا إنسولين لأنه ذلك يؤدي إلى حدوث غيبوبة سكر ومشاكل لا حصر لها». 

ولفت الدكتور أسامة عبد الحي إلى مريضة المناعة التي امتنعت عن تناول الكورتيزون بناءا على توصيات الطبيب، قائلا: « وبالنسبة لمريضة المناعة اللي كانت بتاخد كورتيزون وحالتها مستقرة ولما وقف الكورتيزون دي جريمة طبية». 

 الشعب المصري طيب جدا والمرضى بتوع الحالات المزمنة بيتشعلقوا في قشاية

وتابع: « الشعب المصري طيب جدا والمرضى بتوع الحالات المزمنة بيتشعلقوا في قشاية فبيصدقوا أي حاجة»، مستكملا: « وبعدين الكلام حول أنه إحنا نقلل أكل اللي هو مناكلش دقيق كتير ومش عارف اي أي حد لو نظم أكله شوية ممكن يتحسن مؤقتا لا يمكن أنه توصفلي نظام غذائي يبقى مناسب لكل الأمراض». 

وأكد: « النظام الغذائي الخاص بمرضى السكر يختلف تماما عن اللي عنده مريض كلى ويختلف عن مريض القلب فكل نوع من الأمراض له نظام غذائي خاص به إنما أنه يكون في نظام جامع وشامل ويغني المرضى عن العلاج فهذا أمر شديد الخطورة».