عمرو أديب يتخانق مع الكنترول بسبب فوز الأهلي: اللي بيحتفل بالفوز هخصمله
شهدت حلقة برنامج “الحكاية” الإعلامي عمرو أديب، المذاع عبر شاشة “MBC مصر”، حالة من الانفعال خلال التعليق على مباراة القمة بين الأهلي والزمالك، عقب فوز النادي الأهلي.
مشادة ساخنة بين عمرو أديب وفريق “الكونترول”
ودخل أديب، خلال تقديم برنامج “الحكاية”، في مشادة ساخنة مع فريق “الكونترول” داخل الاستوديو، معبرًا عن اعتراضه على الأجواء المصاحبة للاحتفال بالفوز، قائلًا: “هخش اجيب من الكونترول جاي تعلي الصوت دلوقتي لجماهير الأهلي وأنا بتكلم هدخل اجيبك من الكونترول انت والـ3 الأهلاوية اللي معاك عارفهم بالأسم”.
وتابع حديثه على سبيل المزاح الحاد، قائلًا: “اللي بيحتفل بالفوز هيتخصم له، وخلي الأهلي هو اللي يدفعلك المرتب”.
قال الإعلامي عمرو أديب، عقب فوز الأهلي بثلاثية مقابل لاشيء: «يعني النهارده الأهلي قرر يبقى فريق بطولات وجمهوره جبار ويعمل كل الأشياء البايخة الرزلة اللي مفيهاش إنسانية ويكسب.. مفيش حاجة بتتغير.. كل مرة الأهلي يقابل الزمالك، الأهلي يجيب جون في بداية الماتش».
الأهلي كسب و الزمالك شال الهم
وأضاف «أديب» خلال برنامجه «الحكاية» عبر شاشة «mbc مصر»، مساء الجمعة: الأهلي كسب 3 أهداف والزمالك خد الحاجة اللي بياخدها علطول النكد والهم، متابعا: الزمالك هو اللي قدم الأهداف للأهلي.
الأهلي كان مطلع طائرات إف 16
وقال أديب: «أي ماتش أهلي وزمالك لازم يحصل السيناريو ده.. فين المنافسة.. هو فيه فرقة تجيب هدفين من كرتين راجعين من الدفاع.. ليه الأهلي لما بيهاجم بيبقى الزمالك مفتوح ولما الزمالك يهاجم يبقى الأهلي مقفول.. الأهلي كان بيهاجم كأنه مطلع طائرات إف 16».
الزملك لازم ينكد على عمرو أديب
وتابع: «الأهلي قرر يعمل كل الأشياء الرخمة والرزلة.. والزمالك هو اللي إدى الكرة للأهلي للتسجيل.. وحسام عبدالمجيد سبب أهداف الأهلي.. الأهلي خد اللي هو متعود عليه والزمالك خد اللي هو متعود عليه وهو الزعل والنكد.. الأهلي معندوش مانع يخسر الدوري والكأس لكن أهم حاجة يكسب مباراة القمة وينكد على عمرو أديب.. الأمر تحول إلى مسألة شخصية جدا أمام الزمالك».
الأهلي ملعبش بنكلة السنادي
وواصل: «الزمالك كان بيلعب قدام فرقة فيها نجوم سوبر زي تريزيجيه وإمام عاشور وبن شرقي.. فرقة منزلة زيزو اللي بـ80 مليون جنيه بلعب آخر 5 دقائق.. لكن إحنا بنكمل مرتباتنا لآخر الشهر».. وتابع: «لازم نجيب دكتور نفسي للزمالك يقعد معاهم يفهمهم إن الضحات بني آدم زيهم.. هو الأهلي لعب بنكلة السنة دي ولا عمل أي حاجة طول الموسم.. ولا له أي لازمة.. كل اللي عمله إنه لعب ماتش النهاردة».
