عمرو الليثي: احنا ضيوف في الدنيا ومش ملاك.. فخليك ضيف خفيف

قال الإعلامي عمرو الليثي، خلال حديثه في برنامج «إنسان تانى» عبر صفحاته الرسمية ومواقع التواصل الاجتماعي: «احنا ضيوف في الدنيا ولسنا ملاك وبعد شوية هنمشي، فخليك ضيف خفيف علي قلوب الناس».

رسالة مؤثرة من عمرو الليثي

وأضاف الليثي: «بعد 100 عام المكان اللي انت عايش فيه مش هيكون ملكك ولا هينتسب ليك، والبيت اللي انت ساكن فيه هيسكنه ناس تانية، وعربيتك يا عالم هتكون ملك مين».

وتابع: «ملابسك وذكرياتك وتفاصيلك وحسابك البنكي، والأرض اللي حوشت طول حياتك عشان تشتريها، بعد 100 سنة مش هتكون بتاعتك، وناس تانية هتاخد مكانك وهتعيش على نفس الحاجات اللي كنا فاكرينها ملكية خاصة».

الإنسان ينسى بمرور الوقت

وأشار إلى أن الإنسان ينسى بمرور الوقت، قائلا: «وقتها محدش هيفتكرك، طب حد فينا يعرف اسم جده العاشر؟ أو كان عايش إزاي وبيحب مين وشكله كان عامل إزاي؟ غالبا لأ».

واختتم حديثه: «احنا ضيوف في الدنيا ولسنا ملاك وبينا وبين الرحيل شوية وقت، فخليك ضيف خفيف على قلوب الناس، خليك خفيف بجدعتك وشهامتك وكلامك الطيب وفي الآخر مش مهم عيشت قد إيه المهم سبت إيه وكنت إيه وهتقابل ربنا تقول إيه».

وعلى جانب آخر، يعود برنامج «إنسان تانى» للإعلامي عمرو الليثي بعد نجاح موسمه الأول خلال شهر رمضان الماضي وتصدره التريند، حيث يعرض بدءا من الجمعة 1 مايو 2026 عبر صفحاته الرسمية ومواقع التواصل الاجتماعي.

المنصات مجرد أدوات للتسلية

في وقت سابق، أكد الإعلامي الدكتور عمرو الليثي انه فى عصر أصبحت فيه وسائل التواصل الاجتماعى جزءا لا يتجزأ من حياتنا اليومية، لم تعد هذه المنصات مجرد أدوات للتسلية أو تبادل الأخبار، بل تحولت إلى فضاء عام يؤثر فى الوعى الجمعى ويشكّل الرأى العام. ومع هذا التأثير الكبير، تبرز الحاجة الملحّة إلى مجموعة من القيم التى ينبغى أن تحكم سلوك كل من يستخدم هذه الوسائل، حفاظًا على تماسك المجتمع وسلامة أفراده.

وأضاف خلال تصريحات صحفية خاصة أولى هذه القيم هى المسؤولية. فكل كلمة تُكتب أو صورة تُنشر يمكن أن تترك أثرًا عميقًا، سواء كان إيجابيا أو سلبيا، لذلك، يجب على المستخدم أن يدرك أن ما ينشره لا يختفى، بل قد يُعاد تداوله ويصل إلى عدد هائل من الناس، مما يحمّله مسؤولية أخلاقية تجاه المحتوى الذى يقدّمه.