براءة تائهة.. مأساة طفلة "كوبري الكونيسة" تثير غضب السوشيال ميديا
في أحد شوارع منطقة قرب طلعة كوبري الكونيسة باتجاه الطريق الدائري، تداول عدد من المواطنين ومستخدمي مواقع التواصل الاجتماعي قصة لطفلة صغيرة لا يتجاوز عمرها نحو أربع سنوات، تم العثور عليها وهي بمفردها وبحوزتها حقيبة صغيرة تحتوي على بعض الملابس والألعاب.
مأساة طفلة كوبري الكونيسة
وبحسب روايات متداولة من شهود عيان، فقد لاحظ عدد من الشباب وجود الطفلة في حالة إعياء وارتباك واضحين، ما دفعهم للتدخل سريعا ومحاولة تهدئتها والعناية بها في موقع العثور عليها، إلى حين محاولة فهم هويتها أو الوصول إلى ذويها.
وقالت إلهام الهواري، التي نشرت قصة الطفلة عبر حسابها على فيس بوك: «بنوتة صغيرة عمرها تقريبا ٤ سنين شافوها فى الشارع على الحالة دى لوحدها، مضروبة زي ما هو واضح فى الصور ومتعورة ومتبهدلة، ومعاها شنطة فيها هدوم ولعب فى طلعة كوبري الكونيسة عند طلعة الدائري».
أضافت: «ولما الشباب سألوها مين عمل فيكى كدا، بتكرر اسم واحد وبتقول إسلام، ومعرفوش يفهموا منها أي شيء تاني، طبعا تخيلات كتيرة من كتير من اللي شافوا الفيديو، يارب ما يطلعش التخيلات دي صح، لأن بجد حيكون صعب أوي علينا نتقبل اللي حصل، لأنه من الواضح أن البنت مش مخطوفة، مفيش خاطف حيسيّب الطفل اللي خاطفه فى الشارع بسهولة كدا».
تابعت: «لكن هي حسب ما هو واضح إن حد حط لها شوية هدوم وكام لعبة فى شنطة وأخدها وسابها فى الشارع، مين إسلام وإيه علاقته بيها حيظهر حسبي الله ونعم الوكيل في اللي يعرض البراءة دى لكل دان الحمد لله الشباب اللي وجدوها ولاد ناس ومحترمين وصوروها ونشروها وبيراعوها، لكن كان ممكن تتعرض لأي ضرر لا قدر الله. ربنا يبارك فى شباب بلدنا المحترمين ويحفظهم».
