شوبير يكشف عن بديل محمد هاني في مباراة القمة.. وموقف حسين الشحات

تحدث الإعلامي أحمد شوبير في برنامجه الإذاعي عبر راديو اون تايم سبورتس عن استعدادات النادي الأهلي لمباراة القمة أمام نادي الزمالك والمقرر إقامتها غدًا الجمعة في الثامنة مساء باستاد القاهرة الدولي، وكذلك تطرق للحديث عن بديل محمد هاني في المباراة وموقف حسين الشحات العائد من الإيقاف.

وقال شوبير،توروب قد يفجر مفاجأة ويدفع بلاعب غير أحمد عيد في الجبهة اليمنى غدًا في مواجهة الزمالك وقد نشاهد حسين الشحات أساسيا في هذا المركز.

وتابع، مجرد سؤال، هو عمرو الجزار فين اللي كان دائما في حسابات منتخب مصر ملعبش دقيقة،هو كامويش فين ، ونفس الموضوع عشان تمشيه تدفع فلوس ولو لاعبته يقعد،عقود غريبة جدا، وقبل كدة موديست.   

وأضاف،مش عارفين جراديشار نجح ولا فشل مع الأهلي ، هى مش القصة صفقات عمال على بطال ممكن واحد بس زي ما بيقولوا في الصعيد فيه البركة

وأكمل،كان نفسي الأهلي يعتمد على ولاده ويشتغل عليهم ،مش علشان السوشيال ميديا وجبنا ده وجبنا ده

واختتم شوبير، لازم لما تتعاقد مع صفقات تتعاقد مع حاجات تنقلك حاجة تانية ،زي هاري كين مع البايرن ، وسام ابو علي مع الأهلي، بيزيرا وعدي الدباغ مع الزمالك