كريم الشناوي يكشف سر عن مشاركة محمد منير في فيلم ضي

كشف المخرج كريم الشناوي سرًا عن مشاركة الكينج محمد منير في فيلم ضي، كما تحدث عن كواليس تعاونه مع المؤلف هيثم دبور، وذلك خلال ندوة الفيلم ضمن فعاليات مهرجان المركز الكاثوليكي، في دورته الـ 74.

وقال كريم الشناوي خلال الندوة : "هيثم دبور كان شريك الرحلة من البداية، وبشوف إن فيلم ضي اعتمد على فريق العمل بشكل كبير، ودي قناعتي دايمًا إن السينما بتنجح لما كل العناصر تحس إنها مشاركة في المشروع، وكنت محظوظ بعناصر عظيمة في ضي، وبشكرهم كلهم لأنهم كانوا بيشاركوا في كل حاجة وبيضيفوا بآرائهم".

أما عن عدم سعي شخصية ضي للشهرة وصنع التريند بعد مقابلته للكينج منير خلال أحداث الفيلم، تابع كريم : "دي النسخة اللي شوفناها منطقية وهادية وماشية مع الفيلم، وماحستش إن المفروض نغيرها بأي شكل من الأشكال، وطبعًا للمتلقي كل الحرية في تقبل النهاية أو لأ".

وأكمل الشناوي : "مكناش بنفكر إنه هيتعرض في مهرجانات، وكنا بنعرضه للجمهور العادي في السينما، هو فيلم سهل جماهيري بالقدر اللي إحنا بنحبه".

وحرص على حضور ندوة فيلم ضي، ضمن فعاليات مهرجان المركز الكاثوليكي بدورته الـ 74، كلًا من الفنان الشاب بدر محمد بطل الفيلم، الفنانة حنين سعيد، الفنانة إسلام مبارك، المؤلف هيثم دبور، والمخرج كريم الشناوي.