سارة جوهر : أفلامنا علشان تنافس على " كان والأوسكار " لازم نزود مشاهد العنف
بدأت منذ قليل ندوة فيلم هابي بيرث داي وذلك ضمن فعاليات مهرجان المركز الكاثوليكي في دورته الـ 74 وخلال الندوة تحدثت سارة جوهر عن عدم منافسة الأفلام المصرية في المهرجانات العالمية ، مؤكدة أن لابد من تزويد مشاهد العنف وزيادة التمويل للمنافسة والحصول على جائزة الأوسكار .
سارة جوهر وجائزة الأوسكار
سارة جوهر: الأوسكار مبيهتموش بالمشاعر ولا القلب ولا الفكرة بتعتمد على التمويل وأنا التمويل اللي كان معانا خلاني سافرت ٣ مرات أمريكا اعرضه على لجنة التحكيم وكانوا شايفينه حلو أوي وأن عندنا سينما حلوة، ولكن في ٣ أفلام من اللي اتصعدوا كانوا تبع شركة واحدة أمريكية بسبب خطة تسويقية معينة .
سارة جوهر : عشان الفيلم يدخل مهرجان كان أو فينس أو برلين قالولي لازم تزودي مشاهد عنف عشان يتاخد لأنه بيعتمد على التسويق، وأنا رفضت أننا نصور مشاهد عنف لأن مش دي رسالتي من الفن .
ندوة فيلم هابي بيرث داي
وتحدثت المخرجة سارة جوهر خلال ندوتها في المركز الكاثوليكي عن أطفال التيك توك وعلقت قائلة : معظم اللي جم كاستينج كانوا أطفال تيك توكرز وأرجوكم قولوا لولادكم إن اللي عايز يمثل التيك توك ليس هو الحل .
وأضافت : سنة كاملة كنت بمرن البنات على كل حاجة في التمثيل والتصوير لأن اللوكيشن شبه غرفة الطوارئ في المستشفى .
تعاون سارة جوهر مع نيللي كريم وحنان مطاوع
سارة جوهر: محظوظة أني اشتغلت مع حنان مطاوع ونيللي كريم وجهاد حسام الدين وكانوا بيدوا ٢٠٠٪ وادوني الثقة الكاملة في أول فيلم ليا .
لجنة تحكيم الدورة الـ 74 من مهرجان المركز الكاثوليكي
حيث تشكّلت اللجنة برئاسة المخرجة كاملة أبو ذكري، وعضوية كلٍ من: الفنان أشرف عبد الباقي، الفنانة يسرا اللوزي، الفنانة سلاف فواخرجي، الكاتبة والمؤلفة مريم نعوم، مدير التصوير بيشوي روزفلت، المونتيرة منى ربيع، الموسيقار تامر كروان، ومهندس الديكور فوزي العوامري.
الأفلام المشاركة بالمسابقة الرسمية
إلي جانب أنه تم اختيار ستة أفلام وفقاً للمعايير الإنسانية والأخلاقية والفنية من أصل 38 فيلماً للمشاركة في الدورة القادمة من المهرجان، قد عُرضت تجارياً هذا العام إلى جانب أفلام عُرضت بالمهرجانات السينمائية المختلفة.
