بسبب والدتها.. سلاف فواخرجي: "اتعلمت أن المرأة كائن عظيم وأن الحياة أنثى"
خرجت الفنانة سلاف فواخرجي لتوضح مدى تعلقها بوالدتها وتعلمها منها حب وتقدير المرأة، وذلك من خلال نشر مقطع فيديو من كلمتها خلال افتتاح مهرجان أسوان الدولي لسينما المرأة، بحسابها الرسمي على موقع تبادل الصور والفيديوهات إنستجرام.
تقليد سلاف فواخرجي لوالدتها
وعلقت سلاف فواخرجي قائلة: “من لما كنت طفلة صغيرة تعلقت بمشهد صباحي يومي بقي معي كل العمر لما كنت شوف ماما وهي عم تقرا الجرايد كنت حب قلدها واعمل متلها وقبل حتى ما اتعلم القراءة، صحيح كنت حب قلدها بالكعب العالي والروج الاحمر متل كل البنات بس كنت حب قلّد ماما أكتر بقراءة الجرائد وان كنت وقتها احملها بالمقلوب، ولما كنت شوفها لماما واقفة قدام المكتبة ببيتنا عم تاخد كتاب كمان كنت حاول اعمل متلها بس كنت وقف فوق الكرسي لحتى اقدر اوصل ولما وصلت وابتديت اقرا شفت اسماء كتيرة مهمة ومن بيناتهن كان اسم نوال السعداوي واللي فعلا أثرت فيني و بتكويني، بحكايات ماقبل النوم كانت ماما تحكيلي حكايا الأمهات الجميلة والمعتادة بس كمان كان تحكيلي قصص وسير نساء مهمات وملهمات ومؤثرات حكتلي عن روز اليوسف غادة السمان هدى شعراوي نازك العابد كوليت خوري والأسماء ما بتخلص”.
“المرأة كائن عظيم”
واستكملت سلاف فواخرجي حديثها قائلًا: "علمتني أمي أن المرأة كائن عظيم بكل مافيها وان الحياة أنثى، وعلمتني ان الجمال والشهرة والمال بيروحوا وكل شي بيزول بس بيبقى الفكر وبيبقى الأثر وهاد اللي سعيت وحرصت عليه انو يكون الي بصمة واصنع أثر واني كون صاحبة قرار، علمتني امي ماخاف وجرب يمكن انجح ويمكن افشل بس كون انا واشتغل واتعب على حالي، علمتني اني ما اسعى لكون مثالية بس كون صادقة قدر الممكن مهما كلفني الصدق، ولما رحلت امي انفطر قلبي وانكسر قلبي لانها كان توأم روحي بس بلحظات وداعها بدون ماحس كمان قلدتها وعملت حالي قوية متلها ومابكيت، كلمة وحدة قلتلها ياهابدل الدموع قلتلها : شكرا، شكرا للمرأة الأولى بحياتي المرأة اللي علمتني وعملتني، والبداية من الأم والبداية من المرأة، أمي اللي ربتني على عشق مصر وكانت دايما تدعيلي: "الله يبعتلك حناين" والله بعتلي مصر حنينة اوي".
سلاف فواخرجي تحيي كافة النساء
واختتمت سلاف فواخرجي حديثها قائلة: "وتحية لكل النساء الرائدات بمجالنا الفني عزيزة أمير. فاطمة رشدي. ماري كويني، بهيجة حافظ، آسيا داغر، وأمينة رزق، ولكل رواد الفن المصري اللي خلقوا بداخلنا حب الفن، شكرا مهرجان أسوان الدولي لسينما المرأة الجدير بالاحترام، وأسعى دائما لأكون جديدة بالتكريم، وسعيدة اني في أسوان التي تتنفس حب وفن وجمال، ومن اللاذقية الى أسوان، ومن بردي الى النيل، أقول لمصر : لكِ حبي وفؤادي”.
