سيدة تتهم موظفين بالاعتداء عليها: «أهانوني وحاولوا يسرقوا موبايلي»
في واقعة مثيرة للجدل، تقدمت سيدة تدعي نسرين محمد فضل ببلاغ إلى النائب العام تتهم فيه عددا من العاملين بحي شرق بالإسكندرية بالتعدي عليها لفظيا وبدنيا، ومنعها من تقديم طلب لمقابلة المحافظ، بالإضافة إلى تعرضها بحسب قولها للمطاردة والاعتداء داخل الشارع، وسط نفي أو تأكيد رسمي حتى الآن.
وظهرت في بث مباشر عبر صفحتها على فيس بوك وقالت: «بلاغٍ إلى النائب العام في القاهرة ضد حي شرق بالإسكندرية، الموظفة اللي اعتدت عليّ بتطلعني وبتقول عندك مشكلة ألف، وقعد مع مدام نعمة أفضفض معاها وأقولها بس أنا معنديش مقابلة محافظ، وقبلها الموظفين يكلموني بكل استهزاء وسخرية وتنمر، ويقولوا لي مفيش محافظ عندنا، ويوصل بيهم الاستهزاء إن يتقال لي اطلعي على الطريق الزراعي، وقبلها تنمر وسخرية وتطاول وإهانة، وبعدين يجروا ورايا في شارع المشير علشان يسرقوا الموبايل بعد تعدي الموظفة عليّ من ظهري وقطع الشنطة والسوستة وجري من الطرحة وهدومي وضربي بغل واضح إن الاتصالات والحوارات اللي اتعملت شبكة بين المحافظة والحي ناس تبعتني وناس تبهدلني».
أضافت: «اللي حصل معايا دخلت الحي عادي بسأل إيه الإجراءات علشان عايزة أقدم على مقابلة المحافظ يوم الأربعاء النهارده الخميس وأنا في الحي المركز التكنولوجي لخدمة المواطنين لقيت واحد من المركز التكنولوجي لخدمة المواطنين حي شرق مفيش عندنا محافظ ومفيش مقابلة محافظ ولو عايزة تقابليه وهو بيضحك وبيتنمر عليّ على أول الطريق الزراعي الموظف اللي ماسك الموبايل اللي لابس روز الاستخفاف الأول كذب وقال مفيش طلبات بتتقدم عندنا وموظف تاني معاه قال الألف المبنى من الباب الثاني عند موظفة اسمها نادية لما دخلت وعرفت إن كل كلامهم معايا كذب واستهزاء وتطاول قال اللي قاعد على الباب نادية مش موجودة قلت أي موظف مش موجود في البديل لما رديت كده قال ادخل أول غرفة على الشمال وعلشان الموظفة المحترمة اللي قابلتني قلت لها عايزة أقدم طلب مقابلة المحافظ يوم الأربعاء راحت طلعت صرخت في الموظفين اللي عند الباب وقالت هو أنا عندي الطلبات بترموها عليّ ليه الطلب من مركز التكنولوجي».
تابعت: «لما لفيت فتحت بث علشان أوثق ليه علشان في مواطن كان واقف في الشباك لما سمعني قال لي أنا مقدم الطلب وبقاله كتير ووراني الطلب لما جيت أكلمه وأعرف منه أعمل إيه راح الموظف اللي لابس روز اللي كان بيتنمر وبيطاول عليّ ويقول معندناش وروحي المحافظة قال للمواطن ملكش دعوة ما تكلمهاش ولا تقولها حاجة وراحت موظفة الشباك نادتني وبتتمسخر عليّ وبتقول لي معندناش طلبات بتتقدم لمقابلة محافظ مع إن كل اللي واقفين معاهم نفس الطلب وراحت قالت لي لو عندك شكوى مفيش مقابلة محافظ في عندنا مدام نعمة في المبنى التاني روحي فضفضي لها وكان في واحدة تبعها وشكل دي من طرف ابتسام منير راحت قالت دي بتصور لقيتهم الاثنين بيمدوا إيدهم ويشدوني وقطعت الشنطة اللي على كتافي».
استكملت: «والموظف واللي معه اللي كانوا بيضحكوا وبيتنمروا عليّ لقيتهم بيجروا في الشارع لما صرخت دخلوا وطلعوا اتنين تانيين يجروا ورايا لنص شارع المشير حاولت أتحامي في ظابط المرور بيقولهم في إيه قالوا صورتنا وعايزين ناخد الموبايل يروح الظابط مسلمني ليهم وفوق كده يمنع أي تاكسي يركبني في اللحظة دي ظهر عساكر شرطة عسكرية وأنا بصرخ يروح ظابط المرور يقولهم ارجعوا كده خطر هيعرضكم للمسائلة قلق لما لقى عساكر الشرطة العسكرية للقوات المسلحة ركبت تاكسي وطلعت على البحر وعلشان الشمس الصورة مكنتش واضحة هو ده اللي حصل ابتسام منير قلادة بيعملوا توصيات هو أنتم فاكرين تتعرضوا ليّ وتستهزئوا وتمنعوا حقوقي كمواطنة من مقابلة محافظ الإسكندرية وتتنمروا عليّ موثقش أنتم بتقولوا لي إيه».
اختتمت: «وده بلاغ للنيابة العامة رجالة بتجري ورايا من حي شرق المركز التكنولوجي لخدمة المواطنين وبيقولوا تعالي يا ماما عايزين إيه هو ده مش تعدي عليّ وتطاول وخاصة إنهم قالوا مش عندنا وتعدوا عليّ وقطعوا الشنطة اللي على ظهري وبيضربوني بكل غل دول مش موظفين دول بلطجية وعصابة متوصية».
