انتقادات لـ«هزيم» بسبب الاسم والدين والجنسية وإقامته في ألمانيا.. ماذا حدث؟
هاجم الشيخ ياسر محمود سلمي، الباحث في الشريعة الإسلامية، عبر حسابه على موقع فيسبوك، صانع المحتوى محمد وسيم المعروف باسم «هزيم»، وذلك على خلفية تصريحات منسوبة للأخير تحدث فيها عن عدم حبه لاسمه.
ووجّه سلمي انتقادات حادة لوسيم، متسائلا عن سبب رفضه لاسمه «محمد»، مشيرا إلى مكانة الاسم المرتبطة بالنبي محمد صلى الله عليه وآله وسلم، ومعتبرًا أن ذلك يثير تساؤلات حول موقفه.
وقال ياسر سلمي: «لا أنا هقولك اسمك إيه، اسمك محمد وسيم بس يا ترى مش بتحب اسمك ليه يا محمد؟ يا راجل ده اسم سيدنا محمد صلى الله عليه وآله وسلم، في حد يكره اسم الرسول عليه الصلاة والسلام إلا لو مش بتحب الرسول نفسه فدي بقى حاجة تانية».
أضاف: «تاني سؤال ديانتك إيه طالما هو مش صعب تجاوب عليه متجاوب علشان متابعينك اللي بيتبعوك يعرفوا مرجعيتك الدينية علشان يبقوا على نور، أما جنسيتك فدي برضه شكلها مش عجباك عشان كده روحت تعمل لجوء في ألمانيا».
تابع: «وأنا مازلت مصمم على إن حضرتك لاجئ في ألمانيا وعارف الاسطوانة المشروخة بتاعت اللجوء اللي بدايتها أنا اسمي محمد بس مش بحبه علشان محدش بيختار اسمه ودينه واللي عنده دليل على إن الأخ ده طبيب مقيم في ألمانيا يطلع الدليل والمستندات اللي بتثبت صحة كلامه غير كده ينقطنا بسكاته في التعليقات».
استكمل: «أنا معنديش مشكلة شخصية مع الأخ ده إطلاقًا مشكلتي مع التحريض ضد الدولة المصرية وتسخين الناس على الحكومة لأني معنديش مكان تاني غير البلد دي أروح فيه لو وقعت لا قدر الله بينما الأخ هزيم معندوش مشكلة لأنه قاعد في ألمانيا.. حفظ الله مصر وسلمها من الفتن ما ظهر منها وما بطن».
