لو بنتك بتعمل كده تبقى مجرمة.. سالي شقيقة أحمد حلمي توجه نصيحة للأمهات
وجهت سالي حلمي، الاستشاري النفسي وخبير العلاقات الأسرية، رسالة مهمة للأمهات، خلال تربيتهم لبناتهن، مشيرة إلى أن هناك تصرف قد تسمح به الأم لبناتها وهي لا تعلم أنها تنشيء مجرمة.
وكتبت سالي حلمي عبر حسابها بموقع فيسبوك: "إحنا مش بنحبك ...انتي غريبه علينا ..انتي أسلوبك غريب ..إنتي فارضة نفسك علينا ..انتي مش بتلبسي برندات ..انتي لبسك عادي ..انتي بتحكي كل حاجه لمامتك ..احنا مش بنحب نخرج معاكي..احنا مش عايزنها معانا في الجروب.. نصيحه لكل أم لو بنتك من البنات الي
بتستخدم الكلمات دي مع بنت معاها في الفصل أو بتستخدم قوتها وصوتها العالي عيدي تربيتها من جديد واعرفي إنك بتربي وبتكبري مجرمة...اه والله مجرمة ماتتخضيش هتكون في يوم من الايام سبب في تدمير نفس بشريه وهلاكها".
وأضافت سالي حلمي: "ولو انتي أم لبنت بتسمع الكلام دا من زميلاتها خديها في حضنك قوي وكوني جيشها ..علميها تبقي قوية وازرعي ثقتها في نفسها...
علميها وقوليلها ان ربنا ذي ماخلق الطيبين الي ذيك خلق الأشرار وعلميها اذاي تكون قويه وساعديها علشان ماتتنازلش عن مبادئها علشان تشبههم لان هما الي غلط وانتي الي صح".
