محمد رمضان عن ملابسه في مهرجان كوتشيلا : لو رجع بيا الزمن هلبس نفس الملابس
تحدث النجم محمد رمضان عن الانتقادات الواسعة التي تعرض لها بعد إطلالته المثيرة للجدل في مهرجان “كوتشيلا” الأمريكي عام 2025، وذلك عندما قام بارتداء زي مصنوع من الجنيه المصري، مؤكدًا أنه سيرتدي نفس الملابس مرة إذا عاد بالزمن .
محمد رمضان : لو رجع بيا الزمن هلبس اللبس ده تاني
وقال محمد رمضان خلال لقائه في برنامج صباح العربية : “الناس انتقدوا اللبس بمهرجان كوتشيلا في المنطقة العربية بشكل كبير، أنا كنت شغال لجمهور تاني خالص، أنا عملت مئات الحفلات في الشرق الأوسط وعمر ما حد انتقد لبسي”.
وأضاف محمد رمضان: “أنا درست كوتشيلا، ولقيت إن ده مهرجان قائم على الملابس غير الطبيعية، علشان كده جبت مصممة أزياء مصرية وعملت الإطلالة، ولكن الناس خدته في حته مش كويسة”.
وأوضح محمد رمضان أنه لا يشعر بالندم أبدا حيث علق قائلا : “لو رجع بيا الزمن هلبس اللبس ده تاني ولكن هاخد بالي من بعض التفاصيل، أنا قولت عايز البس لبس فرعوني ودرع معمول بالجنيه المصري، هطوله اكتر وهخلي شكله افضل لكن مش هغير الزي خالص”.
وفي سياق أخر ، أعلن الفنان محمد رمضان عن عودته للدراما الرمضانية مرة أخرى بعد غيابه 3 سنوات عن الموسم الرمضاني، مؤكدا أنه سيقدم عمل درامي في موسم رمضان المقبل 2027، عبر شاشة قنوات MBC .
وقال محمد رمضان خلال لقائه بـ برنامج صباح العربية : أنا مش مبتعد عن الدراما ولا حاجة، أنا غيبت عن الدراما 3 سنين لأني كنت مشغول جدًا في تصوير فيلم أسد لأنه فيلم مهم ومحتاج وقت كبير في التحضير والتصوير، وخلصت الفيلم ودلوقتي جاهز أعمل مسلسل لـ رمضان 2027 واستنوه على MBC .
