استغلال الفرص.. نجيب ساويرس: استثمرت 400 مليون دولار بالذهب في ظل الأزمة

قال رجل الأعمال نجيب ساويرس خلال مداخلة بقناة العربية بزنس، إن التقلبات الحادة في أسعار النفط والذهب والعملات بسبب الحرب لن تستمر طويلا، موضحا: "مش هتاخذ وقت طويل يعني شهور… الإمارات عندها ماكينة استثمار فهي تعالج التداعيات دي بسرعة، والسعودية أبتدت المشوار، لكن المسألة مش هتطول".

هل بقاء النظام اللي بيهدد جيرانه؟

وتسائل "الحرب دي هتخلص إزاي؟ هل ببقاء النظام الذي يهدد جيرانه، أم بتغيير داخلي؟ معقبا: أنا متوقع  الأوبشن التاني.. لأن كان في غضب قبل ما الاقتصاد  يتدمر".

وأضاف: "في ناس جوه إيران بتقول إحنا مش عايزين هدنة، عايزين الحرب تكمل عشان نخلص من النظام… لو اتغير، أقول لك ألف مبروك، المنطقة هتهدى"، وأكد أن استمرار النظام سيبقي التوتر قائما، قائلا: "لو فضل النظام هيبقى زي حاجة مهددة للجيران".

استثمرت 400 مليون دولار في الذهب والأزمة فرصة وليست خطرا

كشف رجل الأعمال نجيب ساويرس أنه استغل تراجع الذهب لزيادة استثماراته، قائلا: "استغليت فرصة إن الذهب نزل، فاستثمرت حوالي 400 مليون دولار زيادة… وزودت استثماراتي في العقار بالإمارات".

وأضاف: "أنا تعاملت مع الأزمة إنها فرصة مش خطر… وأنا طول عمري باخد مخاطر"، موضحا: "أنا راجل لونج تيرمر… استثماراتي بتبقى على 5 سنين وأكثر".

وعن السوق العقاري، قال: "الأسعار في الإمارات نزلت 10 و15%… فدي فرصة مش أزمة، مستطردا: فيما يخص مصر، أنا قللت استثماراتي بسبب مخاوف الدولار والتضخم والدين، لكن فوجئت إن الأسعار ارتفعت".

وأشار إلى أن مصر آمنة، لكن بعض القرارات زي الإغلاق المبكر بتدي انطباع سلبي للسياحة.. ولو تم تحسين التعامل مع السياح، السياحة ممكن تتضاعف.