محمد صلاح العزب يشيد بمي عز الدين: معندهاش مشاكل مع حد وبتحافظ على علاقاتها

كشف المؤلف محمد صلاح العزب، عن علاقة الصداقة القوية التي تجمعة بالنجمة مي عز الدين، مشيرا إلى أنها نجمة هادئة ودائما ما تختار أعمالها بتمعن وتفكير عميق.

وأضاف محمد صلاح العزب، خلال استضافته في برنامج «الستات» المذاع عبر شاشة النهار، مع الإعلامية سهير جودة: «مي إنسانة جميلة جدا وبرا الشاشة والتمثيل شخص بيتوتي ورقيق وجميل ويتحب من أول مرة وعندها سلام نفسي».

وتابع: «هي شخصية جميلة ومعندهاش مشاكل وبتحافظ على علاقاتها، عمري ما سمعت عن مشاكل ليها مع حد خالص، وبنتواصل مع بعض دائما وبنحاول نشتغل مع بعض وبإذن الله عمل حاجة قريب».

وفي وقت سابق، كشف المؤلف والمخرج محمد صلاح العزب لأول مرة عن المشاهد المحذوفة من فيلم سفاح التجمع بطولة النجم أحمد الفيشاوي ، مشيرا إلى أن حذفها أخلى بسلاسة القصة وأدى إلى حدوث فجوة في استيعاب الجمهور لقصة العمل . 

وقال المؤلف محمد صلاح العزب خلال ندوته في " نيوز رووم ": المشاهد التي حذفت من الفيلم متنوعة وأنا مش شايف أي مبرر ليها إنها تتشال لأن اللي اتحذف مشاهد مثل العنف المنزلي .. أبو السفاح بيضرب أمه بشكل احنا بنشوفه في كل مسلسلات رمضان عادي .

وأضاف : بجانب حاجات كتير من طفولة السفاح اتحذفت اللي هي بتوضحلنا في الدراما هو ليه بقى سفاح؟!.. فبقى المشاهد بيتفرج ومش فاهم هو ليه بقى سفاح بسبب الفجوات اللي حصلت بعد الحذف .. فانا شايف إن لو الموضوع كان مشي بشكل سلس ومرن أكتر كان التلقي هيفرق بكتير .

سبب تحويل سفاح التجمع من مسلسل إلى فيلم

كشف المؤلف والمخرج محمد صلاح العزب عن أسباب تحويل سفاح التجمع من مسلسل مكون من 8 حلقات إلى فيلم سينمائي ، مشيرا إلى أن العمل كان من المفترض أن يكون من بطولة حسن الرداد قبل تحويل العمل إلى فيلم .

وقال محمد صلاح العزب خلال ندوته في " نيوز رووم " : أول لما أعلنا عن سفاح التجمع كان في 3 منتجين عايزين يعملوه بتصورات مختلفة للأبطال وبداية المشروع كان المفروض هيكون مسلسل من 8 حلقات بالتعاون مع صديقي أحمد السبكي وبطولة حسن الرداد .

وأضاف : اشتغلنا شوية على المشروع ولأسباب إنتاجية توقف المسلسل وبعد سنة كاملة فكرت وقولت هو ليه معملش سفاح التجمع فيلم فكلمت السبكي وقولتله وقالي يلا بينا وكلمت الفيشاوي وقولتله يلا نعمل سفاح التجمع فيلم وتحمس جدا واتفقنا على كل حاجة وبدأنا .