ألفت عمر تروي تجربتها مع نظام ضياء العوضي: كنت أعاني من أمراض مزمنة واختفت
أيدت الفنانة ألفت عمر نظام الطيبات الذي أقره الدكتور الراحل ضياء العوضي، مشيرة إلى أنها كانت تعاني من بعض الأمراض المذمنة وفوجئت باختفائها بعد أسبوعين من اتباع نظام العوضي.
وكتبت ألفت عمر عبر حسابها بموقع فيسبوك: “إحقاقا للحق وليس دفاعًا عن أي نظام على الأرض مع العلم أنه كان في اللايف في الفترة الأخيرة بيقول كلام استفزاز للناس ويخبط ويشتم عشان يثير الجدل أكتر ويساعد على انتشار فكرته أكتر وأكتر وكمان الإيجو اعتقد دخل في الموضوع وبقا بيقولو كلام اوفر أوي تريقة منها,, تاكل ربع كيلو سكر والهبل ده متابعينه فاهمين ده كويس أنا مش بدافع أنا بوضح ومكنتش حابة أسلوبه في الأواخر”.
عموما هقولكم تجربتى الشخصية".
وأضافت ألفت عمر: “أنا من عشرين سنة بعمل كل أنظمة الدايت كل حاجه جديده بتبعها فتره عشان اشوف صحتى فين لحد الكيتو اللي صدمنا أول ما طلع وكسر مفهومنا عن التخسيس عكس كل حاجة عرفناها.. كل دهون وأنت تخس.. عكس كل مفهوم للتخسيس والصحة معا لحد ما تابعت عوضي الله يرحمه وصدمني بأفكاره أنا مبطلة سكر بقالي سنة إزاى يقول كده وخضار إيه اللى هبطله أنا عايشه على الخضار عشان صحتي وكمان أحافظ على وزني إليكم التجربة الحقيقية من غير ما ادعو حد لاتباعها أنا بس بقول الحق وهو فى دار الحق”.
وأكملت: "أنا ماشيه على نظامه من سنتين قبله كنت أشعر بالآلام مزمنة وأنا عندى عشرين سنة -قولون عصبي -بطن سفلية مع العلم إني لا أفارق الجيم من ٨ سنين
-جيوب أنفية
-عرق النسا الالام الركبه لدرجه الحقن
-تورم فى وجهى وعينى منتفخة دائما
-آلام المعدة ودواء مزمن
-لخبطة هرمونات لدرجه قالوا أعراض غده درقية
-آلام بالكعب ليس لها سبب واضح
-حرارة بالقدمين فقط
-نوم غير مستقر تماما لازم أدوية وماغنسيوم
-هالات سودا سقوط شعر تكسير أظافر شحوب بالبشرة
-حبوب بالوجه سنين لا تتوقف
-جفاف بالعين
-التهاب في القولون
واختتمت: “كل ده انتهى من أول أسبوعين في الطيبات وبيرجع بعض الأـعراض لما بلخبط في الأكل بس بصوم يوم أرجع أحسن من الأول مع العلم إني بتعامل مع السكريات بالعقل مش باكل غير متوسط بس الأول كنت مانعة السكريات نهائيًا”.
