مصطفى كامل لياسمين عز: مفيش جديد في حالة هاني شاكر وكفاية شائعات

كشف الفنان مصطفى كامل نقيب الموسيقيين، عن أخر مستجدات الحالة الصحية للفنان الكبير هاني شاكر، قائلا: «مفيش جديد غير إني بطلب من كل الجمهور العربي وحبايبه إن هو يدعي له».

وأضاف، خلال مداخلة هاتفية له عبر برنامج «كلام الناس» مع الإعلامية ياسمين عز، المذاع على شاشة ام بي سي مصر: «للأمانه أنا أحمل أي جديد من حالته ربنا كبير وربنا كريم ارجوكم الدعاء ليه».

 وتابع: «ارجو كفاية مغالطات ودوس على أسرته كفاية اللي هما فيه وهو كمان فيه،  والمشكله حاليا هي أزمه تنفسية دقيقة جدا ملهاش مبرر طبي خالص وهو مسافرش علشان أي كسور في الطب المصري لا الطب المصري عمل إعجاز».

وفي سياق أخر، قالت الإعلامية ياسمين عز: «الناس كلها اتفاجئت بعد رفع أسعار الكهرباء إن أي حد عنده عداد كودي إنه تحول بعد أخر شحنه وبقى يشتغل بأعلى شريحة بدل من نظام التدرج».

واضافت، خلال حلقة اليوم من برنامج «كلام الناس» المذاع عبر شاشة ام بي سي مصر: «وده هيرفع قيمة الفاتورة لثلاث أضعاف والناس ملهاش ذنب الناس ذنبها إيه إن اصحاب العمارات والمقاولين هم اللي عملوا مخالفات».

 رفقا بالناس سهلوا المصالحات على المخالفات

وتابعت: «إحنا طول عمرنا شعب بيتحمل الزلط لكن الناس ذنبها غيه يا جماعه رفقا بالناس سهلوا المصالحات على المخالفات للناس بلاش الظلم يبقى عام وارتفاع السعر يبقى عام عايزين رد لو سمحتم مينفعش المواطن اللي كان عامل كل اللي عليه يتظلم».

وواصلت: «الناس يا دوب بتكفي أكل وشرب، أنا قعدت أفكر وأحسبها للناس بالورقه والقلم لقيتها مبتمشيش لكن بحسابات ربنا بتعدي هي ماشيه ببركه ربنا».

وفي وقت سابق، طالبت ياسمين الزوجات بالتوقف عن استرجاع ذكريات فترة الخطوبة والتحسر على تبدل الحال، قائلة: «متقعديش تمسكي البلوزة وتقولي دي لبستها لما قال لي بحبك وتنكدي على الراجل.. مش وقتك خالص الدنيا بايرة والجو زي الزفت».

العالم بيولع

وقالت ياسمين إن العالم يمر بظروف صعبة ولا يتحمل دراما الملابس: «مش هنقعد نفكر في الذكريات مش وقته، العالم بيولع»، مقترحة على من لا تريد تنزيل الخريفي أن تظل بملابس الشتاء وتتحمل الحرارة أو «تهوي بهواية».

كشفت الدكتورة منار غانم، عضو المركز الإعلامي بهيئة الأرصاد الجوية، عن أسباب الارتفاع المفاجئ في درجات الحرارة الذي شهدته البلاد اليوم، مؤكدة أن ذروة الارتفاع سجلت 37 درجة مئوية في القاهرة الكبرى، وهو ما يزيد عن المعدلات الطبيعية بنحو 12 درجة.