ضياء عبدالخالق: سعيد بمشاركتي في مسلسل جماهيري مثل «علي كلاي»
أعرب الفنان ضياء عبدالخالق، عن سعادته بالمشاركة في مسلسل علي كلاي مع النجم أحمد العوضي، مشيرا إلى أن هذا العمل جماهيري، ونجح نجاحا كبيرا.
وأوضح، خلال استضافته في برنامج «الستات ميعرفوش يكدبوا» المذاع عبر شاشة سي بي سي، أن شخصية عظيمة كانت صعبة بالنسبة له، لافتا إلى أنه ظل فترة طويلة يدرسها.
وأضاف: «محمد عبدالسلام المخرج قالي أنا عايز الشخصية طبيعية وبيحب روح بجد، ودي كانت الأساس اللي بنيت عليه باقي الشخصية، والحمدلله إنها كانت تريند طول رمضان وعرفت أقدم الدور بالشكل اللي اتطلب مني».
وتابع: «أنا مش بكون متوقع ردود الفعل خالص على الأعمال حد ما تتعرض، وممكن بعد ما تتعرض يا اتفرج يا لا لأني أحيانا بخاف اتفرج، ومستحيل تماما أتفرج حتى في المونيتور، بخاف اكون عامل المشهد وحش واتوتر لما أشوفه، وتقيمي لنفسي في التمثيل بيكون صعب شوية وسعات بشوف إني طلعت المشهد وحش».
ردود أفعال الجمهور
وعن ردود أفعال الجمهور على مواقع التواصل الاجتماعي، قال: «أنا بحترم ردود أفعال الجمهور طبعا لكني بقف أكتر عند تقيمي لنفسي».
وفي سياق متصل، كشف الفنان ضياء عبدالخالق عن بدايته في التمثيل، قائلا: «أنا في الدايه كنت بمثل في الجامعة وكان عندي صديق قالي إيه التمثيل ده يعني هتبقى إيه كومبارس؟ لكن أنا كنت مصمم على التمثيل لحد ما جه الدكتور أشرف زكي يخرجلنا مسرحية وقالي لازم تدخل معهد الفنون المسرحية».
وأضاف عبدالخالق: «وقتها أنا عرفت إنها هتكون مهنتي، وقدمت مرتين ومتقبلتش لكن اتقبلت في المعهد تالت مره».
وفي سياق حديثه عن التمثيل، قال: «أنا ضد تقمص الشخصية، حتى الناس اللي اخترعت التقمص رجعت عن الفكرة لأنها خطيرة جدا جدا على الفنان والناس اللي معاه، أنا بدرس الشخصية وأفكر هي هتتصرف إزاي في كل المواقف وبحاول أقلدها».
قصة الزواج
وفي سياق متصل، كشف الفنان ضياء عبدالخالق، عن قصة زواجة من المخرجة شيماء شعوط، موضحا أنه تزوجها بعد شهر واحد من تاريخ لقاءها الأول، مؤكدا أنها وقفت بجانبه وتحملته كثيرا منذ بداياته.
وقال: «وقفت جنبي وإحنا بنتجوز ومكانش معايا فلوس الماذون وده حملني مسؤولية كبيرة اتجاهها علشان لأزم أحافظ عليها، وسبحان الله كان وشها خير عليا وجالي شغل وأخدت فلوس واتجوزنا».
ومن جانبها أضافت شيماء:« أنا لما كنت بشوفه الأول في الأعمال قولت ده بيشتغل غناوة يعني بمزاجه وده كان علشان طول الوقت مش بيظهر كتير».
وأردفت:« شوفته بالصدفه لما روحت زيارة لمسرحية بادي جارد مع الزعم عادل إمام وأول لقاء بيننا كان معاكسات، وقالي تعالى نتصاحب لكن أنا قولتله مش بصاحب ، قالي وأنا مش بتجوز».
