نضال الشافعي يعلق على أزمة الأسماء على التتر: "بيتعرض أول يوم رمضان بس"|خاص
خرج الفنان نضال الشافعي عن صمته ليؤكد على عدم أهمية ترتيب اسمه في تتر العمل الفني الذي يقدمه، خاصة وسط الأزمات الكثيرة المتصدرة الساحة الفنية بسبب ترتيب الأسماء ووضعها على التتر، وذلك خلال تصريحاته لـ موقع نيوز رووم.
تعليق نضال الشافعي على أزمة تتر الأعمال الفنية
حيث قال نضال الشافعي في تصريحاته: “مبيفرقش معايا وضع اسمي فين، أو يتحط في الأول ولا الأخر، مش فارقة كلنا بنعمل شغل وشغلنا بيتشاف مش التتر هو الفيصل، الفيصل الورق والدور لو حلوين خلاص مش مهم حاجة تانية، أنا بتفاجئ بالتتر زيي زي الجمهور، ومؤخرًا بقى بيتعرض أول يوم رمضان بس وبعد كده بيتعرض جزء منه عشان الإعلانات”.
سبب أزمة الأعمال الكوميدية
وبالرغم من تميز الفنان نضال الشافعي في الأدوار الكوميدية وشهرته بها، خاصة في ست كوم تامر وشوقية، ومسلسل الهلالي سلالام، ولكنه اختار في الفترة الأخيرة أن يبقى في الدراما بعيدًا عن الأعمال الكوميدية، ولكن أوضح خلال تصريحاته لـ موقع نيوز رووم عن سبب عزوفه عن الأدوار الكوميدية.
حيث قال نضال الشافعي لـ نيوز رووم: “أنا مش بيتعرض عليا أعمال كوميدية حلوة، لو اتعرض أكيد هعمله أنا بحب الحتة دي، ولكن اللي أنا شايفه دلوقتي استسهال في الكتابة، يعني الاسكريبت بقى بيجيلنا جملتين والمخرج اللي طبعا مالوش رؤية كوميدية يجي يقولك يلا يا حبيبي عايزين نضحك الناس، أو المنتج ميصرفش كويس على العمل ويكون في ضعف في الميزانية ونسترخص عشان العمل كوميدي، ما العمل ده محتاج بردو معدات تصوير وإضاءة كويسة عشان يطلع في صورة مناسبة، لو الأزمتين دول اتحلوا مصر هترجع من الدول الرائدة في الكوميدية”.
وعن الأعمال الكوميدية التي تجذبه خلال هذه الفترة، قال نضال الشافعي في حديثه: “أنا مبسوط جدًا بـ مسلسل أشغال شقة وبشكر هشام ماجد أنه متمسك بالإنفاق الجيد على أعماله، واللي مكمل في نفس مسيرته هو الفنان مصطفى غريب وده شوفناه في مسلسل هي كيميا”.
حقيقة تقديم جزء جديد من مسلسل دلع بنات
وعلى جانب آخر، أعرب الفنان نضال الشافعي عن افتقاده الشديد لـ كواليس مسلسل دلع بنات، الذي يُمثل له من أكثر الأعمال التي تمتاز بتوازن بين الكوميدي والدراما، وذلك في تصريحات خاصة لـ موقع نيوز رووم.
وعن نبأ وجود موسم ثاني من مسلسل دلع بنات، أوضح نضال الشافعي في تصريحاته قائلًا: “محدش قالي ولا حددوا لسه حاجة، ولكن أنا نفسي جدًا نكرر التجربة تاني، لأنها كانت من أمتع التجارب اللي عشتها في حياتي”.
