مروة عبدالمنعم تثير الجدل بأحدث منشوراتها: "هتبقى الأكثر مبيعًا"
أثارت الفنانة مروة عبدالمنعم الجدل، خاصة بعد نشرها منشور عن الخيانة والأقارب الذين يخونوا العشرة، وذلك من خلال حسابها الرسمي على موقع التواصل الإجتماعي فيسبوك.
وقالت مروة عبدالمنعم معلقة: “حتي لو الكل باعك خليك متفائل فإنت الأكثر مبيعًا”.
مروة عبدالمنعم تتعرض للسرقة
في سياق مختلف، قد أعلنت الفنانة مروة عبدالمنعم عن تعرضها لعملية سرقة أموال من فيزة المشتريات الخاصة بها ؛ مشيرة إلى احتياجها للوصول إلى إثبات يؤكد أن تم سرقة الأموال بعد أن طالبها البنك بالالتزام بالسداد .
وكتبت مروة عبدالمنعم عبر صفحتها الرسمية على موقع التواصل الإجتماعي فيس بوك : أنا في مشكلة ومحتاجة أهل الخبرة يفيدوني أنا دلوقتي اتعرضت لعملية سرقة واكتشفت إن فيه حد سحب مبلغ كبير من فيزة المشتريات بتاعتي والغريب إن الفيزا معايا .
وأضافت : اتفاجئت بالبنك بيتصل بيا بيسألني لو عايزة أقسط المبلغ اللي اتسحب وقولتله أنا مسحبتش حاجة ولكن أكدلي إن فيه مبلغ اتسحب من الفيزا.
وتابعت : فعملت شكوى ووقفت الكارت، دلوقتي المفروض أعمل إيه عشان أعرف عملية السرقه دي حصلت ازاي وازاي ممكن حاجة زي دي تحصل والكارت معايا ومافيش حتي otp جالي
واختتمت : البنك عايزني أسد المبلغ وأنا عايزة أثبت إني ما سحبتش المبلغ ده حد يفهمني ايه الإجراء اللي ممكن أعمله .
مروة عبدالمنعم تكشف حقيقة خضوعها إلي عمليات تجميل
في سياق منفصل، قد كشفت الفنانة مروة عبدالمنعم حقيقة خضوعها لعمليات تجميل خلال الفترة الماضية، وذلك من خلال منشورًا عبر حسابها الرسمي على موقع التواصل الإجتماعي فيسبوك.
حيث قالت مروة عبدالمنعم في منشورها: “فيه ناس فاكرة إني عملت تجميل وكتير جدا مبيعرفونيش وبيقولولي عملتي ايه في نفسك .. بصراحه أنا نفسي لو حلفتلي أني معملتش حاجه فيا مش هصدقني .. لكن هي دي الحقيقة والله .. أنا معملتش أي حاجة غير أني لاقيت نفسي وقويت نفسي ووقفت مع نفسي وحبيتها بس .. أنا بشكر الظروف الصعبة والمحنة القوية اللي عديت بيها .. والناس اللي خذلتني وصدمتني فيهم ودخلتني في إكتئاب وصدمة نفسية وصلتني للصورة اللي على اليمين .. وبشكر ربنا اللي أهداني محنة عشان ينقذني ويعلمني ويوريني حقايق .. بشكر ربنا اللي بسببه اتحولت لواحدة تانية وإنسانة جديدة .. أنا معملتش أي حاجه فيا .. غير أني رجعت لنفسي وقولتلها ماتزعليش .. الخلاصة .. في كل محنة منحة لحياة أفضل”.
