ماخدتش ولا جنيه .. أحمد العوضي يرد على تعرضه للسخرية بسبب إعلان الكهرباء

خرج النجم أحمد العوضي للرد على السخرية التي تعرض لها على السوشيال ميديا، بسبب إعلان ترشيد استهلاك الكهرباء، وأنباء حصوله على ملايين مقابل هذا الإعلان.

وقال أحمد العوضي خلال فيديو عبر صفحتها الرسمية على فيسبوك : "بمناسبة تقديمي لـ إعلان ترشيد الاستهلاك، وإن الموضوع قلب هزار وده قاعد في فيلا ومنور 100 لمبة وإحنا بنور لمبة واحدة، ده كله كلام فاضي".

وواصل العوضي : "وأنا ماخدتش ولا جنيه، والموضوع إني كل اللي قولته لو أنت قاعد في الصالة، أقفل نور باقي الشقة، ودي حاجة تساعدنا كلنا ومين قالك إني خدت ملايين ده كله أونطة وإخواتي مش بيمشوا ورا الكلام ده، وأنا عامل الاعلان لله، ومقولتش حاجة غلط".

واختتم أحمد العوضي : "في حب إخواتي واستنوا مسلسل رمضان 2027 وفيلم شمشون ودليلة ضرب نار في السينمات".