بعد القبض عليها.. نور هشام سليم يدافع عن بيج ياسمين |فيديو
خرج نور هشام سليم عن صمته ليدافع عن بيج ياسمين، خاصة بعد قرار القبض عليها بسبب إهانة صورة المرأة المصرية، وذلك من خلال حسابه الرسمي على موقع تبادل الصور والفيديوهات إنستجرام.
نور هشام سليم يدافع عن بيج ياسمين
حيث قال نور هشام سليم: “أنا أنهاردة صحيت من النوم على خبر القبض على بيج ياسمين بسبب إهانة صورة المرأة المصرية، طبعا ده تخلف ومحصلش، بس أحنا دلوقتي وصلنا مرحلة أن الست لازم تبقى ماشية في طريق معين، تبقى اسطمبة من الست اللي جنبيها أو ممكن تتسجن، تعملي تيك توك يتقبض عليكي، تشيلي حديد يتقبض عليكي، تلبسي شورت يتقبض عليكي، بس رجالة مصر تنزل وتضرب وتشتم، وتغتصب الست وتتحرش بمش عارف مين، وتمسك حيوان يبهدلوه، وميحصلوش أي حاجة، أصل قيم الأسرة المصرية دي مبتطبقش غير على الستات، والنبي أعملوا شير أو ريبوست أو استوري، لحد ما بيج ياسمين تطلع لأنها من أجدع الناس اللي أنا اعرفها، مش معقول اللي بيحصل”.
قرار نور هشام سليم بالتحول الجنسي
في سياق آخر، قد تحدث نور هشام سليم عن قراره بالتحول الجنسي من إمرأة إلى رجل، مؤكدًا أنه لم يكن قراراً سهلاً، وجاء نتيجة عوامل نفسية عديدة، وذلك خلال فيديو له عبر حسابه الرسمي على موقع تبادل الصور والفيديوهات إنستجرام.
وقال نور هشام سليم : "على المجتمع التعامل مع الأفراد الذين يمرون بهذه التجربة بقدر أكبر من الرحمة والدعم النفسي .. والاحتواء يساهم في تقليل المعاناة وتحسين الحالة النفسية".
وأضاف نور : "مفيش حد بيصحى بين يوم وليلة ويقول أنا هبوظ حياتي كلها .. وأفضل في مشاكل قانونية ولما فكرت في الموضوع ده كان عندي 4 سنين .. وبسبب إني عايش وحاسس إن فيه حاجة غلط .. وكل ما أقول لشخص أنا ولد يقولي لأ أنت بنت".
واختتم نور هشام سليم : "روحت لدكاترة نفسية وسألتهم أعمل إيه ؟ .. وماكنش فيه حل وكان عندي أفكار في الانتحار .. وبقول للناس لو ممرتوش بالموضوع ده يبقى متنتقدش .. وأرحمونا شوية ولو عليا هقعد مع أهلي في مصر".
