مجدي يعقوب يرد على لقب «ملك القلوب»: أنا رجل غلبان
أجاب الدكتور مجدي يعقوب جراح القلب العالمي على سؤال الإعلامي أنس بوخش، مفاده: «المفروض أسميك ملك القلوب؟»، ليرد السير قائلا: «أول حاجة مش مالك لأي حاجة، أنا راجل غلبان عادي جدا بحاول أعمل شغلي على أعلى مستوى، ولا ملك ولا حاجة».
سر سعادة مجدي يعقوب
ووجه أنس بوخش سؤالا آخرا: « طب اي اللي يخلي قلبك يفرح؟»، وأوضح الدكتور مجدي يعقوب: «إني أشوف أطفال وناس كبار كانوا عيانين ودلوقتي كويسين، دي بتديني سعادة ضخمة».
السعادة تعد أهم شيء في الحياة
وقال جراح القلب العالمي، إن هناك دراسات تؤكد أن السعادة تعد أهم شيء في الحياة، معلقا: «الناس اللي مش مبسوطة ف شغلها أو بيتخانقوا مع الناس وعندهم حزن وقلبهم مكسور بيأثر على القلب، يعني لو حد حزين جدا هتلاقي قلبك بيتضخم وهتحصل صدمة قلبية».
وأضاف، خلال حواره مع الإعلامي أنس بوخش، أن الإنسان ممكن يموت بسبب الحزن، إنما السعادة تطول العمر، مشيرا إلى أنه يجب التعامل مع كل الناس بطريقة ودية وعدم حمل مشاعر كراهية أو سلبية تجاه أي شخص»
في وقت سابق، استضاف الإعلامي أنس بوخش، السير الدكتور مجدي يعقوب، في حلقة خاصة، وخلال برومو الحلقة، كشف مجدي يعقوب جانبا إنسانيا مؤثرا من حياته، إذ قال: «عمتي ماتت وعمرها 22 سنة من صمام ضيق، فوالدي انهار»، مضيفا: «أنا هبقى جراح قلب، قالي اسكت بقى وعمرك ما هتبقى جراح قلب يجب أن تكون فنانا».
في وقت سابق، حل الدكتور مجدي يعقوب، جراح القلب العالمي، ضيفا استثنائيا في برنامج «معكم منى الشاذلي» عبر قناة «ON»، مع الإعلامية منى الشاذلي، كاشفا عن تفاصيل رحلته المهنية والعائلية، والفلسفة التي يقوم عليها مركز القلب في أسوان، ومستقبل التوسع الجديد في القاهرة.
مجدي يعقوب مع منى الشاذلي
ووصف السير مجدي يعقوب المؤسسة التي أسسها، مؤكدا أن النجاح يبدأ من الروح الجماعية، قائلا: «مركز القلب مش مستشفى، دا كلنا أخوات مع بعض كإخوة وعيلة واحدة ودي روح أسوان».
وعن سر نجاحه في غرف العمليات، كشف عن ما يمارسه قبل الجراحة، قائلا: « قبل ما أعمل أي عملية بحلم بيها قبلها بيوم وكأني بعملها بالظبط والناس تتفاجئ إني خلصتها بسرعة بس أنا مجربها قبلها في الحلم».
