شريف مدكور يتسأل: ليه أغلب السيدات المصريات اللي متجوزين من أجانب أكثر سعادة؟
تساءل الإعلامي شريف مدكور عن سبب سعادة أغلب السيدات المصريات ممن تزوجن من رجال أجانب.
وكتب شريف مدكور عبر حسابه بموقع إنستجرام: “أغلب السيدات المصريات اللي متجوزين من رجال أجانب، أكثر سعادة واستقرار.. يا ترى إيه السبب والعكس كمان”.
وجاءت التعليقات على المنشور كالآتي: “فرق الـ culture طلع بيريح ضحكوا علينا وقالوا بيسبب مشاكل بالعكس بيبقى منفس فى امور حياتيه كتيره وحجه مفيده أحيانًا”، “فكرة إن فئة معينة من الجوازات أنجح من غيرها مش دايمًا دقيقة، لأن السعادة والاستقرار مش بيعتمدوا على جنسية الشخص قد ما بيعتمدوا على التفاهم والاحترام بين الطرفين”.
وقال آخر: “ممكن بعض السيدات اللي اتجوزوا أجانب يحسّوا بفرق بسبب عوامل زي طريقة التعبير عن المشاعر، تقسيم المسؤوليات، أو تقدير الاستقلالية، لكن ده مش معناه إن كل العلاقات دي ناجحة أو إن العكس صحيح. فيه زيجات مصرية ناجحة جدًا ومستقرة، وفيه زيجات مختلطة فيها مشاكل برضه. الموضوع في النهاية بيرجع لشخصية كل فرد وطبيعة العلاقة نفسها مش الجنسية”.
وأضاف آخر: “الثقافة مختلفة. مراتي كندية. متجوزين في شقة ايجار و شايلين البيت سوا. ده الطبيعي هنا و ماحدش حاسس انها بجميلة أنه يشيل البيت مع التاني. غير أن ثقافة الناس هنا أنهم بيحبوا يستمتعوا بحياتهم عشان كده مش بيفضلوا يفكروا في تفصيلة بالشهور. اللي حصل حصل سواء كويس أو وحش. احنا في النهاردة”.
