جويرية حمدي ترد على متابع انتقد سفرها بمفردها: الأزهر أجاز سفر البنت
ردت جويرية حمدي، على الانتقادات التي تعرضت لها مؤخرًا لسفرها الصين.
وقالت جورية حمدي في فيديو عبر حسابها على إنستجرام ردًا على متابع أساء لها ولوالدها:" ده المجتمع مدعي الفضيلة أهل بلدي اللي المفروض أهلي وسندي في حين أني في بلد غريبة وسط الأجانب اللي بيحبوني ويكرموني ويدفعوا عني واهل بلدي بيطعنوا في شرفي وشرف أبويا المحترم اللي سمعته سبقاه واللي مربي بنته تربية 100 راجل بشنات محدش يعرف يعمل اللي عمله، ومخليه واثق فيا ثقة عمياء ولو يوم موبايلي اتقفل آخر حاجة تيجي في باله أني نايمة في حضن راجل غريب".
وأضافت: "بابي ومامي مطمنين عليا، لأني اتربيت على الصح والغلط، بحيث أخاف من ربنا قبل ما أخاف منهم الأزهر أجاز البنت تسافر لوحدها طالما شروط الأمان متوفرة، ومسافرة تدرس مش تلعب وأهلها موافقين بابي ومامي طلعوا بنت محترمة يثقوا فيها ويعرفوا أنها في غيابهم هتصونهم، ومسافرني ومخليني أشوف حياتي".
واختتمت جويرية حديثها وكتبت":أنا مش بنفس تربية اللي كاتب الكلام ده ولا بنفس عقلبته، ومش هنزل لمستواه، قلت أوريكوا نبذة عن اللي مجتمعنا وصل ليه، بابي الراجل المحترم اللي كل الناس بتدعي ليه على تربيتهم، بابي ومامي تعبوا فيا في دراستي علشان يطلعوا بنت مثقفة ومحترمة، وفي غيابهم هتصون شرفهم وكرامتهم".
