إبراهيم حسن: زيزو لاعب "مصنوع".. وانتقاله إلى الأهلي لم يكن متوقعا

أكد إبراهيم حسن لاعب الزمالك والإسماعيلي السابق والقناة الحالي أن رحيل زيزو إلى الأهلي كان غير متوقع.

وقال حسن في تصريحات مع سهام صالح لبرنامج الكلاسيكو: زيزو 50% مصنوع و50% موهوب، وزيزو قبل الزمالك مكنش حد عارفه ومشاركش كتير مع الفريق.

وأضاف: مصر كلها كانت بتقول إنه زملكاوي، فجأة لقيته في الأهلي واستغربت الصراحة، والأهلي ظهر بشكل مش متوقع والمفروض يكسب بالتلاتات والأربعات والخمسات.

وتابع: الأهلي هيفوق في ماتش سيراميكا كليوباترا وهتبقى نقطة تحول.

اترشحت لجائزة بوشكاش 3 مرات ولم أحصل على حقي إعلاميا

وأكد إبراهيم حسن لاعب الزمالك والإسماعيلي السابق والقناة الحالي أنه لم يحصل على حقه إعلاميا خلال فترة تواجده مع الزمالك والإسماعيلي.

وقال حسن في تصريحات مع سهام صالح لبرنامج الكلاسيكو: اترشحت لجائزة بوشكاش 3 مرات ومخدتش حقي إعلاميا، أنا لعبت مع أساطير الكرة المصرية.

وأضاف: عشت أجمل 5 سنين في الإسماعيلية وبحبهم وهما بلدي التاني واعتبر نفسي واحد منهم مش من أبناء الزمالك.

وتابع: اللعب في الإسماعيلي ممتع واتشرفت وانبسطت إني لعبت جنب حمص وحسني عبدربه.

وواصل: 3 أو 4 سنين نادي الزمالك كانوا بيتحايلوا عليا إني أجي، ولما روحت مشيت من أول سنة مع إني لعبت السنة دي كلها وكنت سبب من أسباب التتويج بالكونفدرالية الإفريقية.

 الزمالك تحايل علي 4 مواسم للتعاقد 

وتحدث إبراهيم حسن لاعب الزمالك والإسماعيلي السابق والقناة الحالي عن رحيله عن صفوف الزمالك.

وقال حسن في تصريحات مع سهام صالح لبرنامج الكلاسيكو: 3 أو 4 سنين نادي الزمالك كانوا بيتحايلوا عليا إني أجي، ولما روحت مشيت من أول سنة مع إني لعبت السنة دي كلها وكنت سبب من أسباب التتويج بالكونفدرالية الإفريقية.

وأضاف: من الصدمة لما مشيت نمت ومكنتش عاوز أقوم، وكفاية عليا إن جماهير الزمالك تقابلني وتقولي إنت السبب في الكونفدرالية، ومشيت ومش عارف السبب إني أمشي بطريقة مفاجئة.

وتابع: جماهير الزمالك بتقولي إنت في سنة واحدة عملت اللي لاعيبة كتير معملتهوش، في لاعيبة مكنتش بتلعب ومش بتفارق الدكة وقعدت سنتين وتلاتة، وأنا مشيت ومش متخيل ده