محمد دياب: "رفضت العمل مع توم هانكس بسبب أنه كان المؤلف والمنتج"
كشف المخرج محمد دياب عن رفضه العمل مع النجم العالمي توم هانكس، وذلك خلال لقاؤه مع الفنان عباس أبو الحسن في بودكاست حوارات مع عباس، هذا التصريح الذي جعل الجميع يتعجب من تلك التصرف، فكيف لمخرج أن يرفض العمل مع تلك النجم العالمي.
سبب رفض محمد دياب للعمل مع توم هانكس
وقال محمد دياب في تصريحه: “أنا كنت لسه عامل فيلم اشتباك في غواصة ومكان واحد، فجه توم هانكس عرض عليا فيلم عن الحرب العالمية الثانية في غواصة بردو، وهو اللي مألفه وبينتجه وهو الممثل، وأنا بشوف نفسي مؤلف محترف ومخرج هاوي، يعني لو طلبت مني فيلم عن الكائنات الفضائية هألفه عادي، بس لما قريت الفيلم ده محستوش ولا حبيته ولا تواصلت معاه إنسانيًا، والناس دلوقتي بتعتبر الفيلم ده أسوء أفلام الحرب العالمية الثانية بالرغم أنهم بيعملوا منه جزء تاني”.
محمد دياب يشيد بـ فيلم برشامة
في سياق آخر، قد أعرب المخرج محمد دياب عن إعجابه الكبير بـ فيلم برشامة، وذلك في منشور له على موقع التواصل الاجتماعي فيس بوك، حيث وصفه بأنه من أبرز الأعمال الكوميدية التي شاهدها مؤخرا.
وقال محمد دياب على صفحته: «هديه العيد السنة دي هي فيلم برشامه، الفيلم بينضم عندي للناظر وطير إنت والحرب العالمية الثالثة، كأكتر أفلام معاصرة ضحكتني، خطير جدًا كتابة وإخراج وتمثيل وديكور وتصوير وملابس وصوت وموسيقى كل عناصر الفيلم معمولة بإتقان».
أضاف: «مبروك لخالد وشيرين دياب على التأليف والإخراج المميز جدًا، بتعملوا حاجات أنا معرفش أعملها وده بيخليني أنبهر كل مرة، مبروك لهشام ماجد على دوره المختلف، ومبهور إزاي أنت أكتر واحد بيدي فرص لزمايله، مبروك على الأدوار المميزة لمصطفى غريب، حاتم صلاح، باسم سمرة، ريهام عبد الغفور، فاتن سعيد، ميشيل ميلاد، عارفة عبد الرسول، وليد فواز».
تابع: «مبروك لأحمد الزغبي، أخويا اللي لم تلده أمي، المؤلف الشاطر واللي قريب هيبقى مخرج مميز جدًا، مبروك لأحمد بدوي، ولأحمد دسوقي صديق العمر والمنتج الفنان، واللي بيمثل لي المنتج الحقيقي اللي اهتمامه بالدراما والمحتوى أهم من اهتمامه بالربح — بس المرة دي عملت فيلم هيتحقق فيه الاتنين إن شاء الله، اتفرجوا على برشامه على ضمانتي».
