راندا البحيري: "زيي زي الراجل اللي عمر ما جرح عربيته هيوقفه عن ممارسة حياته"
خرجت الفنانة راندا البحيري عن صمتها بشكل مفجع خاصة بعد أن نشرت منشور عبر حسابها الرسمي على موقع التواصل الإجتماعي فيسبوك تعرب فيه عن استيائها بسبب مقطع فيديو شاهدته لصاحب سيارة قام شخص غريب عنه بتجريح السيارة مما جعله متفاجئًا من هذا التصرف صباح اليوم.
راندا البحيري تهاجم شخص تعمد تجريح سيارة
حيث قالت راندا البحيري معلقة: “الأستاذ المحترم اللي في الفيديو ده كان بيتكلم عن كمية الغل اللي حقد اللي وصلت (بني آدم) معدي من جنب عربيته، انه يمسك (كاتر) في ايده و يقرر مع سبق الإصرار انه يعلم عليها رايح جاي و يجرح الفابريكا بتاعتها، طبعا قلبي معاه لأن العربية اتبهدلت أنا حاطه صورة الفانوس، بس هو مدخل الكاتر في أماكن تانية في وش العربيه و في جنبها و السقف استحالة خلاص ينفع تتصلح وشكلها متعورة من كل حتة، و هو ولا يعرف صاحب العربية ولا يعرف اسمه حتي بس هو شخص قرر أنه يدمر العربية دي قبل ما يروح ينام علشان يرتاح علشان هو شايف أن ربنا مرزقهوش بواحدة زيها ف عايز يبوظ عليك فرحتك."
راندا البحيري: “بكمل رغم السخافات”
واستكملت راندا البحيري منشورها قائلة: “عرفتوا أنا مكملة السنين دي كلها ازاي؟؟ مكملة شغل و مستحملة سخافات ((البعض)) ازاي؟، زي كده بالظبط زي الرجل ده، عمر ما الجرح اللي في عربيته دي هيوقفه عن ممارسة بقية حياته بشكل طبيعي بالعكس ربنا هيكرمه لأنه معملش اي حاجه غلط، المتنمر أو صاحب الكومنتات السخيفة أو اللي بيخش يهزر أو يشتم في الكومنتات و يمشي هو هو نفسه زي اللي ماسك كاتر و بيجرح عربيات الناس، واحد داخل يشتم و يمشي، جبان ولا عنده نخوه ولا ضمير ولا يعرف ربنا، معندهوش إيمان بالله اساسًا، محدش عنده إيمان بالله هيدخل يشتم حد في بوست و يتكلم عن رزقه وان ربنا رزقه و هو لا.”
راندا البحيري في مسلسل الضحايا
وقد شاركت الفنانة راندا البحيري في مسلسل الضحايا، تدور أحداثه حول سلسلة من الوفيات الغامضة التي تلاحق كل من يقترب من عالم سلطان، وكأن هالة من السم تحيط به، تقتل كل من يحاول محبته أو كشف سره، حيثُ سلطان ليس رجلًا عاديًا، بل هو كيان منقسم، صراع أزلي يسكن جسدًا واحدًا، نصفه إنسان يمتلك مشاعر الندم، ونصفه جن يقتات على الظلام.
أبطال مسلسل الضحايا
ويعد مسلسل الضحايا، من بطولة الفنان صلاح عبد الله، ندى بسيوني، ميرنا وليد، وفاء سالم، عمرو رمزي، شريف دسوقي، راندا البحيري، عايدة رياض، إيناس مكي، نيرة عارف، حسام حلمي، محمد المعبدي، مهجة الغندور، تأليف وإخراج حاتم صلاح الدين.
