ياسمين عز: متاخديش عيالك الفرح ابنك غلس وبيدوس على ديل العروسة

وجهت الإعلامية ياسمين عز تحذيرًا جديدًا للعرائس والأمهات خلال ظهورها في برنامج كلام الناس المذاع على قناة إم بي سي مصر، حول إدخال الأطفال إلى حفلات الزفاف بطريقة غير مسؤولة.

وقالت عز: «ممنوع تاخدي عيالك السلاحف في الفرح مش متربيين وابنك غلس وبيدوس على ديل العروسة وأنتي واقفة تلجة ماتجيبيهمش أو ماتروحيش»، مشيرة إلى أن بعض الأطفال قد يتصرفون بشكل غير مناسب ويؤثرون على أجواء الاحتفال.

وأضافت: « لما ابنك بيدوس على ديل العروسة وبيشدلها الطرحة إزاي محدش بيمسكه يعجنو ومحدش يقولي براءة الأطفال و حد يشيلو كده من قفاه ويرميه برا القاعة». 

وتابعت: « وبلاش تقوليلي أصل هسيب العيال فين ماتسيبيهم على باب الجامع وانتي راجعه خوديهم، وبقولك تاني متجيش بعيالك الفرح». 

وفي سياق أخر، أثارت الإعلامية ياسمين عز جدلًا واسعًا بعد تصريحاتها الأخيرة حول حفلات الزفاف، خلال تقديمها برنامج كلام الناس المذاع على قناة إم بي سي مصر.

وقالت ياسمين عز: «الفرح بيخلص 9، ليه مكملة الفرح في الضلمة؟ العريس روح نام وانتي لسه بتغني، هنعيش لسه ياما ونشوف، هنعيش تحت أي ظروف».

وتابعت ياسمين عز: «إحنا هنشوف اي أكتر من السواد اللي إحنا فيه، ونعيش ليه أصلا روحي عيشي لوحدك ليه عايزة تكملي فرحك بعد 9 مساءا وتكملي على ضوء الشموع عايزة تولعي في المعازيم عشان تنبسطي يا شيماء». 

مش كفاية العالم كله ولع

وأضافت ياسمين عز: « مش كفاية العالم كله ولع وانتي بتتجوزي ومفيش أي إحساس ولا اي دم». 

وأوضحت ياسمين عز: « لو مش عجبك كده متتجوزيش ونأجل الجوازة للسنه الجاية يعني نعملك الحنه النهاردة وبعدين نتجوز السنه الجاية، وبعدين متخافيش ده ظرف عالمي يعني ومحدش هيقول وشك وحش على العريس وضلمتيله الفرح». 

وفي سياق أخر، وجهت الإعلامية ياسمين عز نصائح للعروسات لليلة الزفاف، مؤكدة أن بعض تقاليد حفلات الزفاف تحتاج إلى إعادة نظر.

وقالت عز، خلال تقديمها حلقة برنامج كلام الناس المذاع على قناة إم بي سي مصر: «حاجات لازم نلغيها في الفرح: دلعي الفستان والعروسة وبلاش ورد كتير في فستانك، بتطلعي شبه زهراء المعادي خليكي سمبل».