عضو كشافة الأهلي : لم نشارك في صفقات الانتقالات الشتوية الأخيرة
صرّح حمزة صلاح، عضو فريق الكشافة السابق بالنادي الأهلي، عن كواليس رحيله عن القلعة الحمراء، مؤكدًا أن إدارة الاسكاوتنج لم تشارك فعليًا في حسم صفقات الفريق خلال فترة الانتقالات الشتوية .
وقال حمزة صلاح في بيان توضيحي عبر حسابه على منصة التواصل الاجتماعي فيسبوك : توضيح واجب واخير...قبل أي كلام، لازم أتكلم عن كابتن أسامة هلال.
وتابع : راجل له فضل كبير جدا عليا، مش بس على المستوى المهني، لكن كمان على المستوى الإنساني ، رغم كل الكورسات والدبلومات اللي حصلت عليها في مجال السكاوتنج، أقدر أقول بثقة إن اللي اتعلمته من كابتن أسامة كان أضعاف أي دراسة أكاديمية.
وأكد : عمره ما بخل بمعلومة، عمره ما اتعامل معايا غير على إني اخ أصغر، وكان دايها بيسمع، ويدعم، ويوجه.. وبرغم إن بينا فارق سن وقيمة وكارير، كان دايها بيقدر يسمعك، ويديك حقك، ويكبرك.
والأهم من ده كله...
وواصل : إنه رغم إن كاريره ومشواره المهني ودراساته كانت معظمها خارج مصر، إلا إنه لما الأهلي احتاجه، رجع وكان موجود، تقديوا لقيمة النادي بالنسبة له ، خلال الثلاث سنين، كابتن أسامة اتعرض لانتقادات كتير على أمور مكنش له أي علاقة بيها، ومع ذلك التزم بأسس وقيم النادي، ومخرجش في أي وقت يدافع عن نفسه أو يوضع الصورة.
وأكد : واللي لازم يتقال بوضوح... إن في آخر فترة انتقالات، قسم السكاوتنح كان شبه مش مشارك في الصفقات اللي تمت، وده مش معناه إن مكنش فيه شغل ، بالعكس، كان عندنا ترشيحات محلية وأجنبية في كل مركز محتاج تدعيم، وتقارير فنية كاملة جاهزة... لكن في النهاية، إحنا مش أصحاب القرار.
وأتم : وده وضع اتكرر أكتر من مرة خلال فترات كتير فاتت، دي شهادة حق... ، وتبرئة ذمة لشخص أنا عارف إنه مش هيطلع يتكلم.. حبيت اوضحه بس بدون الدخول في تفاصيل.
