المذيعة داليا فؤاد تنشر وصيتها لوالدتها: أرهقتني الحياة ولم أعد اتحمل
أثارت المذعة داليا فؤاد الجدل بمنشور غامض موجه لوالدتها، أعربت فيه عن حزنها العميق، وكتبت وصيتها لوالدتها وطلبت منها أن تسامحها، وسط محاولات من متابعيها بمنعها عن إنهاء حياتها.
وكتبت داليا فؤاد :"أمي، أحبكِ كثيراً، وإذا وصلتكِ هذه الرسالة، فأنا أعلم أنكِ ستشعرين بالحزن والبكاء. لم أكن أرغب في الوصول إلى هذا الحد، لكن الحياة صعبة حقاً. آسفة إني خليتك تحسي الإحساس أنا متاكدة انه مؤلم وصعب وبذات انك تعبتي معايا".
مش قادرة أكمل مش قادرة أعافر
وأضافت: "بس الموضوع غصب عني.. مش قادرة أكمل مش قادرة اعافر ولا أحارب والحياة محتاجة طاقة وقوه وقدتي علي إني أكمل خلصت.. ممكن اكون ضعفت ممكن أكون غلط بس غصب عني عاوزاكي تدعيلي وتفتكريني بالخير مهما حصل وخلي فؤاد يدعيلي أنا يمكن اخترت في الأول كل حاجة في حياتي بعند وكبرياء وحاولت أعافر علشان مخذلكيش واكون ضهرك".
وتابعت داليا فؤاد: “بس تعبت وقوتي خلصت ووصلت لدرجه إني يا إما أكون وحشة بجد وبـ ١٠٠ وش علشان الناس تحبني أو أكون أنا وطبيعية والناس تختلف عليا، مش ده أهم حاجة الأهم كنت انتي وفؤاد بس حاسة إني مابقتش الظهر والسند بظهر قدام الناس ضحكي الهستيري والبهجة الزائفة وجوايا اكتئاب شديد ووجع وذكريات بتخليني في دوامه وصراع مع النفس”.
تعبت من تمثيلي إني بخير
وأكملت: "هتوحشيني بس أطمني هروح للي خلقني صدقيني هيكون احن عليه من اي حد وعارفة إني عملت غلط بس طمعانه ان ربنا يسمحني هو رحيم نجاني من محنتي والناس دبحتني تعبت من إني من جوايه منهارة بصرخ بصوت عالي وقدام الناس هادية وببين قوتي وهدوئي وتفاؤلي وطاقة للناس تعبت من تمثيلي إني علطول تمام واني بخير واني قوية".
وواصلت: "تعبت من إني أخبي دموعي وحزني علي حاجات اتخدعت فيها اًو خسرتها كانت ليه كل حاجة تعبت إني اكون كويسة والناس مش كويسة تعبت من حبي لناس ماشفتش منهم غير الغدر والخيانة تعبت من الزعل وارهقت من الحزن ونفسي أتقطع من الجري وراء أحلامي وظهري أتقسم من الحمل والمسؤليه
وصيتي ليكي خلي بالك من نفسك وفؤاد ومريم والكلاب أمانة لقد أرهقتني الحياه ولم اقدر علي تحملها سامحيني بحبك".
كان المحكمة قررت الشهر الماضي الإفراج عن المذيعة داليا فؤاد في القضية الشهيرة المعروفة إعلاميًا بـ"مخدر الاغتصاب GHB".
