أرملة إسماعيل الليثي ترد على تصريحات عائلة زوجها: "ولا سألوا على البنات"
خرجت الميكب أرتيست شيماء سعيد أرملة المطرب الراحل إسماعيل الليثي عن صمتها لترد على التصريحات التي انتشرت مؤخرًا عن منعها لبناتها الذهاب إلي عائلة زوجها الراحل، وذلك من خلال مقطع فيديو عبر حسابها الرسمي على موقع التواصل الإجتماعي فيسبوك.
تعليق شيماء سعيد على تصريحات أهل زوجها
وقالت شيماء سعيد في الفيديو: “طالعين يقولوا أحنا طلبنا البنات منها وهي موافقتش، يارب أتعمي ومشوفش بعينيا أنتوا يا أخوات إسماعيل ولا كلمتوني ولا سألتوا على عيالكم، ولا عيدتوا عليهم، يارب أعمى في عيني ما حصل، أخته الكبيرة كلمتني في نص رمضان، كان بقالي تلات شهور مسمعتش صوتها، وآخر مرة شوفتها لما كنا بنفرق العجل على روح إسماعيل، أتصلت الساعة 3 بليل كنت بصلي فأختي رديت عليها، كانت بتنادي على عيالها بصوت عالي وأنا عيالي مبيستحملوش ده، وتقريبا يزن ابنها مش مستوعب او مش حابب يتكلم في التليفون”.
أرملة إسماعيل الليثي تواصل التعبير عن حزنها على رحيله
في سياق متصل، قد واصلت الميك أب آرتيست شيماء سعيد، أرملة إسماعيل الليثي، التعبير عن حزنها لوفاة المطرب الشعبي، وذلك بعد مرور أكثر من 4 أشهر عن رحيله عن عالمنا، إثر تعرضه لحادث سير أليم.
وقالت أرملة إسماعيل الليثي في فيديو متداول لها عبر السوشيال ميديا : "أنا نسيت يعني إيه أكل .. أنا قربت أنسى الطبخ .. وفي حاجات كتير بقيت أنساها .. وكنت مميزة في حاجات كتير بعملها في الأكل بقيت أنساها .. علشان هوا اللي كان بيحب ياكل من إيدي هوا اللي كان بيحببني إني أعمل أكل في البيت".
كل اللي أذوه واللي دمرونا أنا مش هسامحهم
وكانت قد أشارت شيماء سعيد في فيديو لها عبر تيك توك، إلى أنها لن تسامح من أذوها ودمروا زوجها على حد قولها، حيث قالت : "قضيت 4 شهور و10 أيام بأدب واحترام والشخص ده كان أبويا وأمي والنفس اللي بتنفسه .. الشخص ده أنا كنت عايشة علشانه هو .. وماكنتش بشوف رجالة غيره .. كل اللي أذوه واللي دمرونا أنا مش هسامحهم .. وهسيب حقي لربنا هوا اللي هياخدلي حقي من الناس دي كلها".
