«هتفضل فقري لو ربنا مش رايد».. تصريحات مثيرة لـ نجيب ساويرس عن سر النجاح
أثارت تصريحات رجل الأعمال المهندس نجيب ساويرس تفاعلا بين المتابعين بعد حديثه عن فلسفة النجاح وتكوين الثروة، حيث أشار إلى أن المجهود الشخصي والذكاء ليسا العاملين الوحيدين، لافتا إلى دور الرزق في تحقيق النجاح.
وخلال لقائه في بودكاست «سعي» المذاع على منصات التواصل الاجتماعي، تحدث ساويرس عن كواليس نجاحه، موجها رسالة لكل من ينسب الفضل في نجاحه لنفسه فقط.
النجاح رزق وليس مجرد عمل
وأكد ساويرس على أن النجاح الكبير الذي حققه ليس مجرد نتاج تخطيط، قائلا: «ده كله رزق مش عمل»، منتقدا الغرور الذي قد يصيب بعض الناجحين: «البني أدم اللي فاكر أن هو نجح عشان انجازاته وعشان عمله الشاق وعشان ذكائه الخارق لا ده كلام فارغ».
رسالة نجيب ساويرس: هتفضل فقري
وأوضح ساويرس أن العمل لساعات طويلة والذكاء الحاد قد لا يؤديان لنتائج إذا لم تكن هناك عطية من الله، مواصلا: «أنت محتاج حظ.. تسميه رزق تسميه حظ دي عطيه من الله.. يعني لو ربنا مش رايدلك نجاح والله في سماه لو أنت أذكى بني أدم وبتشتغل 24 ساعة في اليوم هتفضل فقري ومش هتعمل فلوس ومش هتبقى مهم».
فخ الغرور والخداع النفسي
وحذر ساويرس الشباب ورواد الأعمال من الانخداع بالنتائج والوقوع في فخ الأنا، مشيرا إلى أن الشخص قد يخدع نفسه ويصدق أنه صانع المعجزات الوحيد، مختتما في هذه النقطة بقوله: «البني ادم ممكن يتخم في نفسه يعني».
وفي وقت سابق، قال المهندس نجيب ساويرس رجل الأعمال، إنه لا يعتبر المال مقياس النجاح، وذلك تعليقا على وجوده ضمن قائمة فوربس لأثرياء العالم.
نجيب وسميح ساويرس
وأضاف خلال لقائه ببرنامج «رحلة المليار» على شاشة «النهار» مع الإعلامية لميس الحديدي: «أنا وسميح وكلنا في البيت تربينا على القناعة وشكر ربنا في أي حاجة، محدش فينا سفيه عنده جراج فيه 12 عربية أو 300 واحد بيمشوا جنبه اللي يشيل الشنطة له واللي يفتح الباب له، ده كلام فارغ».
وتابع: «بركب التاكسي لو السواق مش موجود أو بيصلي أو أنا مستعجل، وده بيخليني متصل بالواقع، ولما بركب بشوف رأي السواق السياسي في حالة البلد وعارف يعيش بفلوس التاكسي ولا لأ».
وأوضح، أن آخر مرة ركب فيها استقل فيها التاكسي كانت منذ عام، مواصلا: «اتكلمت معاه واديته مبلغ كبير، في الأول رفض، لكن أنا قلت له أنا فلوسي بتجيب حظ ومترفضهاش، خليهم معاك ومتصرفهمش وخليهم للزنقة عشان يجيبوا لك حظ».
