لؤي الخطيب يكشف مفارقات في زيارة الرئيس السيسي لقطر والإمارات

علق الإعلامي والمحلل السياسي لؤي الخطيب، على تحركات الرئيس عبد الفتاح السيسي الأخيرة في الإمارات وقطر، موضحا كيف أن التفاصيل الدقيقة للزيارات والاتصالات المتبادلة تعكس استراتيجية مصرية واضحة لتعزيز الأمن القومي العربي، بعيدا عن الشائعات المنتشرة مؤخرا.

وقال لؤي الخطيب عبر منصة «إكس»: «عايزك تتفرج على تفاصيل وصور الزيارتين اللي عملهم الرئيس السيسي النهاردة للإمارات وقطر، وقارنهم بالهبد رديء الجودة اللي انتشر الأيام اللي فاتت عن العلاقات بين مصر والدول الخليجية».

أضاف لؤي الخطيب: «المفارقة إن الزيارتين بتفاصيلهم، والاتصالات الهاتفية المتبادلة، واتصالات وزيارات وزير الخارجية، هي دي أصلا أسباب الفتنة اللي كان مطلوب تتعمل، لإن ببساطة الكل عارف إن مصر بتتحرك لتعزيز معادلة الأمن العربية، وده مش على هوى الطرفين اللي بيدبوا في بعض حاليا، إسرائيل وإيران، حتى وهما ضد بعض».

استباحة الأمن القومي العربي 

تابع لؤي الخطيب: «مصر عندها الخبرة الكافية علشان تفهم إن استباحة الأمن القومي العربي خطر على المنطقة وعلى أمن مصر، وعندها الخبرة الكافية لإعادة تنظيم وتعزيز المعادلة دي، وأخيرا، وللمرة المليون، الأجهزة والمؤسسات المصرية هي اللي معاها البوصلة الدقيقة، امشي وراها وانت مطمن، أي هبد تاني مالوش قيمة».

وفي وقت سابق، علق الإعلامي والمحلل السياسي لؤي الخطيب على من يفرحون بضرب إسرائيل، مشيرًا إلى ان الهجوم على إسرائيل من قبل إيران لم يكن لتدمير موقع استراتيجي أو قيادي بل كانت الهجوم على المنشأت العامة وغيرها من الامكان التي لا تؤثر على إسرائيل عسكريًا.

وجاء ذلك عبر تغريدة نشرها على صفحته الرسمية بمنصة "إكس" قائلًا:"أنا عندي مشكلة كبيرة مع أي حد بيشوف الصواريخ اللي نازلة في إسرائيل وبينبسط ويحسّ بنشوة النصر، عندي مشكلة كبيرة جدًا معاه كمان".

وأضاف أن :"هي الصواريخ اللي بتنزل على إسرائيل دي، ضربت أي موقع استراتيجي أو حساس؟ حيّدت أي مسؤول أو قيادة مهمة؟ أثّرت على قبضة نتنياهو، أعاقت عمل الأجهزة الأمنية أو الجيش؟ ولا حاجة من دول طبعًا"

متسائلًا :"هل معقول كل اللي باسطك إن في عمارة بتولع في إسرائيل؟ يعني ده آخرك؟ بتفشّ غلك وخلاص؟ مصيبة كبيرة إن عشرات السنين من الكذب الفارغ ما كانش كفاية، ولسه في ناس مستعدة تشتري الكذب الفارغ".