«تعبي ضاع في لحظة».. تفاصيل مثيرة في خلاف رسامة مع المخرج مجدي الهواري

كشفت الرسامة ندى الهاروني عن تعرضها لموقف وصفته بـ«المحبط»، وذلك خلال تعاملها مع المخرج مجدي الهواري، بعد طلبه تنفيذ لوحة بورتريه لوالده.

وأوضحت الهاروني أنها بدأت العمل على اللوحة وبذلت فيها وقتًا وجهدًا كبيرين، مشيرة إلى أنها حرصت على إرسال نسخة مبدئية قبل الانتهاء، بهدف تلقي أي ملاحظات تساعدها على تحسين النتيجة النهائية قبل شحن الطلب.

https://www.facebook.com/share/188DH6gqfu/

وأضافت أن رد المخرج جاء بالرفض التام، دون تقديم ملاحظات واضحة أو توجيهات تفصيلية، حيث اكتفى بعبارة «مش شبه»، وهو ما اعتبرته غير كافٍ لتقييم العمل أو تطويره، خاصة في ظل غياب أي نقاش مهني أو أسلوب لائق في التواصل.

وشددت على أن النقد البنّاء يظل عنصرًا أساسيًا في تطوير عملها الفني، قائلة«أنا بحترم أي نقد، وبحب أطور من شغلي بس في فرق كبير بين نقد مفيد، وبين أسلوب فيه تقليل وعدم تقدير».

وتابعت: «التجربة دي علمتني حاجة مهمة جدًا: مش أي حد يطلب شغل يبقى مناسب إني أشتغل معاه حتي لو حد معروف وشكله محترم ومش هيأه شخص بياكل حق الناس».

وأضافت قائلة: «الاستاذ عملي بلوك وكان منزل بوست عايز بورترية ف رسامين كتير بعتوله ف الواضح انه طالب الاوردر من مل الرسامين واللي هتدخل دماغه هياخدها والله واعلم».

واختتمت منشورها قائلة: «غلطتي الوحيده ان مخدتش عربون لانه كان منزل انه ف مكه وقولت الراجل ف بيت ربنا وبعتلي رقمه وعنوانه ف اكيد مش هياكل حقي، حسبي الله ونعم الوكيل هي مبتجيش غير علي اللي بيشقي».