"ضربني أنا وأختي والدتي قدام الناس"|تفاصيل اعتداء مليونير على أبنائه وطليقته

كشف الشاب ضحية اعتداء والده عليه بمنطقة الشيخ زايد في محافظة الجيزة، تفاصيل تعرضه هو وشقيقته ووالدته للاعتداء المستمر من والده.

وقال باسم إن والده يوم الواقعة كان متربصًا لهم أمام النادي واعتدى عليه وشقيقته ووالدته بالضرب دون سبب، قائلا: قعد يضربنا، وفي نص المشكلة راح ضارب والدتي، ونده على بناته ومراته وشاركوا معاه في الاعتداء و بدأنا نصورعلى قد ما نقدر عشان نثبت حقنا.

وأشار باسم إلى وجود تهديدات تصل إليهم منذ تحرير المحضر وأن والدهم يهددهم بالطرد من المنزل ومن النادي قائلا: بعد ما حررنا المحضر بدأت تجيلنا تهديدات من ناس غريبة بتخبط على الشقة، و والدي بعتلي رسالة صوتية  بيقولي فيها: امشوا من الشقة وسلمني شقتي.

وأكد أن والده يفرق بينه وبين أبنائه من زوجته الثانية، مشيرًا إلى أن والده على الرغم من تحقيقه ثروة مالية كبيرة، إلا أنه يرفض مساعدتهم، قائلا: زمان لما كان يلاقيني بلعب كورة في الشارع مع أصحابي، كان بيدخل فيا بالعربية وعندي شهود كتير على ده، وبيتخانق معايا بشكل همجي، بيجري يمسك طوب ويقلع الجاكيت، كأني بتخانق مع حد عنده 16 سنة.

وأشاد الشاب بدور رجال الأمن وحرصهم على اتخاذ كافة الإجراءات القانونية اللازمة لحمايتهم من اعتداءات والده المستمرة، مؤكدا: أنا مش عايز منه عربيات ولا موبايلات ولا مبالغ مادية، كل اللي محتاجه هو حقي وحق والدتي وأختي، وعايز أعيش في أمان.