أحمد موسى يهاجم توفيق عكاشة: «كفاية فبركة وأكاذيب»
وجه الإعلامي أحمد موسى رسالة شديدة اللهجة إلى الإعلامي توفيق عكاشة، مؤكدًا أن من يضع يده في يد العدو الصهيوني لا يحق له التحدث عن مواقف الرجال.
وقال موسى في تغريدة له عبر منصة «إكس»: «أي حد جلس وتلوثت إيده بالسلام على العدو الصهيوني في بيته، ما ينفعش يتكلم عن مواقف الرجالة».
وأضاف موسى: «مفيش مصري أصيل يحط إيده في إيد عدو بلده، وأنت فعلت ده مع سفير الكيان الصهيوني، وفصلت من البرلمان بسبب موقفك العار، وده عار هيلاحقك مهما حاولت تتطهر».
وتابع موسى: «كلامك كله أكاذيب ونفاق ومش حقيقى، أنا ما دعمتش إيران أبداً، مواقفي ضد إيران مش من النهارده، ده من سنين قبل ما تعرف إيه الصحافة والإعلام من زمان وأنا بكتب ضدهم وبكشف مخططاتهم وميليشياتهم سواء حزب الله وغيره، وكان في ناس كتير من الوسط الصحفي والإعلامي بيهاجموني وقتها، وده كله موجود وموثق».
وأضاف موسى: «مش غيرت مواقفي أبداً من إيران، وقلت عليهم عدو زي الصهاينة، وعمري ما نسيت خطبة خامنئي في الجمعة سنة 2011 لما دعم الفوضى في مصر، وكتبت صفحات وتكلمت عن حزب الله وميليشياته سواء في الأهرام أو على التلفزيون، وكل اللي كشفته عنهم محدش عمله غيري، وكلها موجودة ومنشورة في كتابي أسرار».
واختتم موسى: «يا توفيق، توقف عن النفاق والكذب والفبركة. كفاية متاجرة ومزايدة، أنا عادة ما بردش على أي حد بينتقد، لكن برد هنا على اللي بفبرك ويدلس ويكذب لأنه صاحب هواه في نفسه. توفيق كاذب وبيتاجر بأكاذيبه».
