والدة مؤجرة شقة القصر العينى: جيهان الشماشرجى قالت لى جاية اخد حاجتى يا طنط

نواصل  نشر النص الكامل لتحقيقات النيابة في قضية اتهام الفنانة جيهان الشماشرجى وآخرين بسرقة ماكينات خياطة وأجهزة ومعدات بالإكراه، حيث استمعت النيابة العامة لأقوال المجنى عليها في القضية والتي أصيبت بجروح وكدمات نتيجة منعها سيارة النقل التي كانت تحمل "ماكينات الخياطة" وهى والدة شريكة الفنانة جيهان الشماشرجى والمؤجرة للشقة، وإلى نص التحقيقات..

والدة مؤجرة شقة القصر العينى: جيهان الشماشرجى  قالتلى جاية اخد حاجتى ياطنط 

ما تفصيلات بلاغك؟
" اللي حصل اني بنتى مى حسام كانت برة مصر، وانا  كنت في بيتي في الهرم ولقيت تليفون جايلي من حارس العقار اللي فيه شركة بنتي مي حسام في ٨٠ش القصر العيني وبيبلغني ان جيهان الشماشرجي جت و معاها ۳ اشخاص ومعاهم عربية ربع نقل وبينزلوا حاجات من الشركة"

وأضافت "فأنا توجهت علي طول علي مقر الشركة انا وبنتي اميرة حسام واول ما وصلنا لقيت جيهان الشماشرجي نازله من العمارة و شایله حاجات انا مخدتش بالي هي ايه فسالتها انتي بتعملي ايه یا جیهان ردت عليا وقالتلي انا جاية اخد حاجتي يا طنط فسألتها بقولها هو المكن اللي محطوط علي العربية ده بتاعك علشان تاخديه قالتلي دي مي ابو طالب قالتلي هاتيه وكان في واحد واقف تحت العمارة بردو قالي انتي مين قولتله انا والدة مي حسام فقولتله انت اللي مين قالي انا قريب جيهان فأنا ساعتها قولتله نزل الحاجات اللي علي العربية دي فقالي مفيش حاجة هتنزل فأنا ساعتها قولتله انا بلغت الشرطة ومحدش هيمشي غير لما الشرطة تيجي وساعتها جيهان الشماشرجي ركبت عربيتها ومشيت وانا ساعتها روحت وقفت علي باب السواق بتاع العربية الربع نقل فالسواق ساعتها جالي وكان عايز يركب العربية وانا رفضت ومرضتش ادخله وقالي انا كد کده مش همشي وبعد كده لقيته لف النحية الثانية وساعتها بنتي اميرة حسام كانت واقفة علي الباب الثاني فساعتها اللي قالي انه قریب جیهان ده زعقلها وخلاها تتحرك من مكانها وساعتها السواق قدر يركب العربية من الباب الثاني واول ما ركب"

وأشارت "القينا اللي قال انه قریب جیهان ده اتحرك وامشي يلا فأنا ساعتها قولت للسواق متتحركش غير لما الشرطة تيجي فهو ساعتها مشي وانا كنت ماسكة في الباب بتاع السواق علشان ميمشيش فأول ما اتحرك وقعت على الارض وحصلت الأصابات اللي فيا وبعد كده انا وبنتي اميرة حسام روحنا قسم قصر النيل علشاننعمل محضر واول ما روحنا لقينا جيهان الشماشرجي جايه هي ومي ابو طالب وامنة ابو طالب اختها وسالونا كلنا في محضر واحد وساعتها خدت جواب و روحت عملت تقرير طبي في مستشفي المنيرة العام وهو ده كل اللي حصل.

س وما دليلك علي كون تلك المنقولات ملك نجلتك مي حسام وحدها ؟

ج: لان هي اول ما بدأت مشروعها في ۲۰۱۷ بدأت بالمكنتين دول وكانت جيباهم بفلوسها واحنا قدمنا لما اتسالنا في استيفاء النيابة الفواتير المكن الشخصي بتاع مي حسام والمملوك ليها من سنة 2017.