أنس الفقي يوجه رسالة قوية لصناع الدراما: «ميصحش كده»
انتقد وزير الإعلام الأسبق أنس الفقي ظاهرة إطالة بعض الأعمال الدرامية خلال الموسم الحالي، مشيرا إلى أن أسلوب تقديم الحلقات أصبح يفتقد أحيانا لعنصر التكثيف واحترام وقت المشاهد.
وكتب الفقي عبر حسابه على موقع «فيس بوك» منشورا تحدث فيه عما وصفه بـ«مقالب المنتجين»، موضحا أن بعض المسلسلات تبدأ حلقاتها بملخص طويل للأحداث السابقة قد يستغرق عدة دقائق، قبل عرض تتر البداية والنهاية، وهو ما يقلل من زمن الدراما الفعلي داخل الحلقة.
وقال أنس الفقي: «هذا النص بعد التصحيح اللغوي البسيط مع الحفاظ على نفس المعنى والأسلوب مقالب المنتجين، بصراحة كده، موضوع مقالب الدراما بقى محتاج وقفة».
ملخص بمشهدين
تابع أنس الفقي: «هو ينفع كل حلقة نبدأها بملخص لما فات ياخد مشهدين كاملين من الحلقة السابقة، يعني حوالي خمس دقايق؟ وبعدهم تتر بداية وتتر نهاية يعملوا كمان ٨ دقايق؟ كده إحنا بنتفرج على ٢٠ دقيقة وجبة دراما حقيقية والباقي سلطات!».
استكمل: «طب كل ده ليه؟ علشان نمدّ حدوتة كانت ممكن تخلص حلو جدًا في ١٥ حلقة ونخليها ٣٠ حلقة بالعافية؟ النتيجة الطبيعية: ملل، بطء، إحساس إن الأحداث بتلف حوالين نفسها، وحشو مالوش أي لازمة غير إنه يكمل العدد».
تابع: «لدرجة إن بعض الحلقات تظهر فيها بطلة العمل في مشهد واحد بما لا يليق بقيمتها أو مقامها، مش هذكر اسم المسلسل علشان محدش يزعل، خصوصًا إن الممثلين فعلا شغلهم كويس جدًا ومجتهدين، وبحترمهم جدا المشكلة مش فيهم خالص».
احتتم: «المشكلة في طريقة إخراج وإنتاج واضح إنها بتفكر بمنطق نكمل عدد حلقات وخلاص، بجد يعني مش كل قصة ينفع تتعجن وتتفرَد لحد ما تبقى ضعف حجمها، الاختصار أحيانًا بيكون أحلى، واحترام لدماغ المشاهد، بصراحة ميصحّش كده!».
