رامز جلال عن عمرو الدردير: ناقد رياضي كبيره يسرح بعربية فول حراتي
حل الناقد الرياض عمرو الدرير ضيفًا على الفنان رامز جلال في حلقة اليوم من برنامج رامز ليفل الوحش.
وقال رامز جلال خلال تقديمه عمرو الدردير: علشان تعمل برنامج رياضي ناجح في الزمن المهبب اللي إحنا فيه ده، تجيب اتنين لبعض يشرشحوا وعلى المدربين يهبدوا ويسيحوا ويقعدوا طول الساعتين يفرشوا الملاية ويردحوا، والمذيع ماسك صاجات بيسخن فيهم وهو قاعد مطرحه، ولو الحلقة هبطت منه يطلع فاصل ويقولهم فيه إيه جرالكم إيه منتوش مروحين غير وأنتم ضاربين بعض ومتعورين".
وأضاف: "معانا واحد من إفررازات البرامج الرياضية من أيقونات القرع الرياضي ورواد التحليل والتطبيل، ناقد رياضي كبيره يسرح بعربية فول حراتي، لقى الهبد بيأكل عيش فقضاها تلويش، هجيبه علشان اوضع حد للمهزلة.. معانا ومعاكم اللي محدش هيوقف له غيري عمرو الدردير..
وخلال الحلقة سألت المذيعة عمرو الدردير عن أكثر شيء يبكيه، ليرد رامز جلال: القاضية ممكن ده هي دي اللي وقعت له شعره ده كان هاني سلامة.
وحذر رامز جلال المذيعة، وقال عن عمر الدردير: خلي بالك منه مش بيشوف مذيعات ستات.. آخره مذيعين زي مهيب عبد الهادي بقرعته
وسأله رامز جلال: بتعمل أسئلة عاطفية ليه في برنامجك بدور على عروسة؟، ليرد عمرو: اه
