أحمد موسى بعد جولة في مدينة نصر: «اللي ينزل الشارع يعرف نعمة الأمان في مصر»

علق الإعلامي أحمد موسى على الأجواء التي شهدتها شوارع القاهرة، خاصة في منطقة مدينة نصر، مؤكدًا أن حالة الزحام في الشوارع والمحال التجارية تعكس حالة الأمان وسط الشوارع المصرية، في ظل التوترات المتصاعدة التي تشهدها المنطقة والعالم.

وكتب موسى في تغريدة عبر منصة «إكس»: «بعد الفطار نزلت مدينة نصر بقالى كتير منزلتش، وعايز أقولكم والله كنت فرحان بجد، العائلات المصرية من مختلف الطبقات في المحلات والمراكز التجارية وسيتى ستارز وعباس العقاد ومكرم عبيد والطيران، زحمة مووت بس زحمة تفرحك بمصر وأمنها».

وأضاف: «الناس نازلين مع أولادهم الكبير والصغير، بيشتروا لبس العيد، واللى قاعدين على القهاوى وفى المطاعم كله كامل العدد، المنطقة دى فيها حوالى مليون فى الشوارع فى وقت واحد والجو برد، حالة مشفتهاش من زمااان».

وتابع موسى في تغريدته: «حلوة مصر بجد.. جميلة مصر بجد.. زحمة مصر تحبها، محدش يكره مصر إلا كل حاقد أو جاهل».

واختتم قائلًا: «يا جماعة والله بلدنا عظيمة قوى، واللى ينزل الشوارع يعرف يعنى إيه نعمة الأمن والأمان.. عمااار يا مصر».