«هقعدكم تشحتوا كلكم».. تصريحات صادمة من ضياء العوضي بعد قرار النقابة

أثار الطبيب ضياء العوضي حالة من الجدل بعد تعليقه على قرار سحب عضويته من نقابة الأطباء المصرية، وذلك خلال بث مباشر عبر صفحته الرسمية على موقع التواصل الاجتماعي «فيسبوك».

ضياء العوضي: مش ورايا حاجة

وقال ضياء العوضي: «مش عارف سحبوا العضوية عشان آخر قسط مدفعتوش والا عشان اتأخرت في التجديد»، متسائلا عن الأسباب الحقيقية وراء القرار.

وواصل حديثه بتصريحات حادة للأطباء، معلقا: «يمكن سحبوا مني العضوية عشان أنا بشرب سجاير»، قبل أن يضيف عبارات أثارت تفاعلا واسعا على مواقع التواصل، مؤكدا أنه لم يعد لديه ما يخشاه بعد القرار.

وتابع: «ورب الكعبة كله هركعكم كله هيسجد وهيشحتوا، الدكاترة كلها هتشحت، وأنا خلاص مش ورايا حااجة هقعدكم تشحتوا كلكم في ميدان رابعة».

في سياق متصل، علق الطبيب ضياء العوضي، على قرار سحب عضويته من نقابة الأطباء، قائلا: «أنا بقيت حر وبطلت أجاوب خلاص على أسئلة، أوقف بقى إنسولين، امشي إنسولين براحتي، رجوع مصر دلوقتي كخ، لإني بقيت المفصول والمشطوب، ظلموني الناس ظلموني، فصلوني من النقابة، لأ وبعتوا لجنة تشمع العيادة». 

تشميع العيادة 3 مرات

وأضاف، خلال تقديم بث مباشر عبر صفحته على موقع التواصل الاجتماعي «فيسبوك»: «العيادة أنا أصلا قافلها من أول رمضان، بتشمعها ليه والا كتر شمع عندكم، فبتجربوا حظكم معاه».

ضياء العوضي: هديلك بالبوكس

وتابع: «العيادة بتاعتي اتشمعت أكتر ما اشتغلت الحمدلله، لأنها اتشمعت 3 مرات في 4 سنين، ليه؟ ببيع اي في العيادة؟، الفكرة إنهم كل مرة يفتحوها، حاولت أفهم اي الغرض من دا، بتهددني مثلا؟، وهما حرروا إيدي عشان لما أجي أديلك بالبوكس متقولش أنا النقابة وهعملك وأسويلك، لا أنا مش عضو نقابة دلوقتي».  

في وقت سابق، أثار الطبيب ضياء العوضي، حالة واسعة من الجدل بعد ترويجه لما أسماه "نظام الطيبات"، وهو نظام غذائي يعتمد على حذف أطعمة مع الاكتفاء بأنواع محددة يدعي أنها وسيلة للشفاء.

ويقوم النظام وفق ادعاءات العوضي على ما وصفه بـ"الصيام الإسلامي"، من خلال صيام يومي الاثنين والخميس وثلاثة أيام من كل شهر هجري، أو اتباع الصيام المتقطع، مع الاكتفاء بالأكل عند الشعور بالجوع وشرب الماء عند العطش فقط دون الإكثار منه.

وشملت قائمة الأطعمة المسموح بها في النظام حسب ما تم تداوله الحبوب مثل التوست بالردة والأرز، والدهون الطبيعية كزيت الزيتون والزبدة والسمنة، إلى جانب السكر والتمر، وأنواع من الجبن مثل الشيدر والجودا والموتزاريلا والبرميزان والرومي، والأرز المصري والبطاطس بمختلف طرق إعدادها، والذرة، وبعض الحبوب كالبرغل والفريك على فترات متباعدة.