بالحجاب.. سالي عبدالسلام تشكر متابعيها على دعواتهم لها: "هنحارب بالحب"
حرصت الإعلامية سالي عبدالسلام على توجيه رسالة شكر قوية لمتابعيها بعد مواصلة دعواتهم لها أثناء تعبها في الحمل، وذلك من خلال ظهورها في مقطع فيديو عبر حسابها الرسمي على موقع تبادل الصور والفيديوهات إنستجرام.
سالي عبدالسلام تشكر متابعيها
حيث قالت سالي عبدالسلام معلقة: “جاية أقولكم كلمتين من القلب، بس أنتوا هتسيبوا الكلام وتركزوا في رموشها وحاطة ميكاب ولابسة حجاب، المهم أنا جاية أشكرككم على دعواتكم ليا، والناس اللي بتقولي يا بنتي متقوليش يا بنتي داري، أيوة معاكم حق وأداري ومقولش، بس أحنا محتاجين الدعوات أكتر، يعني لو حد فيكم في مكاني هيبقى محتاج دعوات أكتر، هيبقى بيعمل ده عشان الناس تدعيله، وأكيد الأغلبية هتبقى بتدعيله، ياما هيبقى أبو لهب ومراته، لو الأغلبية بيكرهوك يبقى أنت عامل مصايب في حياتك، أصل من حبه ربه حبب فيه خلقه، فأنا باشوف أن الأغلبية في الحب، هنحارب بالحب وهنحارب بالدعوات”.
أزمة صحية جديدة
وكشفت الإعلامية سالي عبدالسلام من قبل عن تعرضها لأزمة صحية حادة بالتزامن مع فترة حملها، وذلك من خلال صورة لجهاز الصغط عبر خاصية الأستوري بحسابها الرسمي على موقع تبادل الصور والفيديوهات إنستجرام.
وقالت سالي عبدالسلام: “اليوم هو الاكثر صعوبة، محصلش زيه قبل كده، أنا باخد دواء الضغط قرصين 3 مرات في اليوم، النهاردة مقدرتش أتحرك من مكاني، وهنزود في دواء الضغط، محتاجة دعوات كتير بجد”.
نوع جنين سالي عبدالسلام
وقد شاركت الإعلامية سالي عبدالسلام من قبل جمهورها تفاصيل معرفتها بنوع الجنين، ولكن لم تكشف عن النوع، وتركت الجمهور يتمنى ويشاركها، وذلك من خلال منشور عبر حسابها الرسمي على موقع التواصل الإجتماعي فيسبوك.
وقالت سالي عبدالسلام معلقة: "الحمدلله ماشاء الله اللهم بارك…تفتكروا بنت ولا ولد ؟؟، وأنا عرفت ومش هقول وهشوف الأغلبية!، طبعاً كان نفسى فى ولد وبنت تؤام وكانت تكمل على خير بس رضا وعوض ربنا أجمل الحمدلله، تانى بشكركم من قلبى على كل الدعوات وأنكم سبب وأكبر سبب، محتاجة دعوات كتير اوى الفترة اللى جاية عشان المشاكل بدأت تزيد وكله بسبب ضغطى العالى، بس ربنا هيكرم بدعواتكم و ستره والله، يا رب ارزق كل واحد نفسه بدعيها من قلبى".
