بعد أزمتها الأخيرة.. جيهان صاصا: الشهرة أسوأ ما قد يحدث للإنسان في هذا الزمن
علقت البلوجر جهاد صاصا على المشاجرة التي نشبت بينها وبين أحد الأشخاص وقام رواد مواقع التواصل الاجتماعي بتداول فيديو المشاجرة، مؤكدة أن هذا الشخص كان يحمل سلاحا أبيض في يده وقام بإلقائها بالألفاظ النابية دون أن تفعل معه شيئا.
جاء ذلك عبر خاصية "الاستوري" على حسابها الرسمي عبر "إنستجرام"، قائلة: "احنا في زمن تندم في علي اي حاجه وحرفيا الشهره دي أسوء حاجه ممكن تحصل لي حد في زمن دا وأنك تبقي متربي علي أصول وحاجه معينه مش عارف تغيرها دي اسوأ من الشهره نفسها أنا مش عارفه الواحد يعمل اي عشان يعيش طبيعي زي اي حد سبت المديا عشان الناس تسبني في حالي وبردو مفيش فايده كميه غل وجهل هتفضل ورايا مع ان اي حد من الي بيغلط لو في نفس الموقف ومعاه اهلو هيعمل اكتر من كده
وأضافت:" ومفيش حاجه اسمها دي ضريبه الشهره عشان أنا عادي ونا تعبانه استحمل الناس تتلم عليا واقف أتصور وابقي فرحانه ومبسوطه بفرحه الناس بيا واشيل اي حد محترم فوق دماغي ولكن ضريبه الشهره مبتقولش استحمل واحد بلطجي مش في وعيه تقريبا وربنا يسمحني لو ظلماه يفضل يرتدي فيا شارع كامل لحد عربيتي ويغلط فيا وفي اهلي ونا بردو اكبر دماغي واقول خلاص عيل هيسكت لما مردش وبردو ميسكتش فا اقف اتكلم معاه يفتحلي قطر ويشتمني ونا باصه في عينو فا لا معلشٍ بقي أنا كرامتي متستحملش دا ونا مش هخاف من عيب ماسكلي حاجه أنا الحمد لله متربيه علي أيد رجاله مش بتهيب سلاح والي ربنا كتبهولي هو الي هيحصل ليا في اي وقت كان الطبيعي ان ارد عليه بنفس قله ادبو ومخفش واعرفو ان مش خايفه منو لان عندنا حكومه في بلدنا الحمد اللّه بتجيب حق اي حد.
واكملت :"تم التعدي عليه انتو بقي شوفتو رد فعلي ان هو قله أدب وتغلطو فيا زي ماهو عمل يعتبر بدل ما تلومو علي البلطجي وان عيب شب يتعدي علي بنت في العموم مش عشان أنا زفته عشان عيب أصلا يحصل دا أنا مش عايزه اعمم لآن زي ما في ناس من الغل بتلغي تفكرها وتغلطك وخلاص في ناس كتير محترمه ردت وقالت الغلط أكيد من عندو لان هي مش هتغلط في من غير سبب وعمتا ربنا يدي كل واحد علي قد نيتو احنا في ايام مفترجه ونا مبقتش أسامح أنا هدعي علي كل الي غلط فيا ان ربنا يردلو دا في أهل بيتو في الشارع عشان ساعتها يشوف رد فعلو هيبقي اي لان أنا متأكده انو هيعمل اكتر من الي عملتو لان بسبب تعبي أنا مكملتش تلت دقايق مشاده في الكلام ودخلت عربيتي وطلبت الشرطه والحمد لله حقي جبتو".
وتفحص الأجهزة الأمنية، تدول مقطع فيديو يتضمن مشاجرة بين زوجة عصام صاصا مع عدد من الأشخاص، إذ تضمنت المشاجرة إشارات وألفاظا خارجة إثر تعرضها للمضايقة في الشارع.
تعود تفاصيل الواقعة حينما تداول مستخدمي مواقع التواصل الاجتماعي فيس بوك، مقطع فيديو تظهر خلاله زوجة عصام صاصا في حالة غضب، إثر مشادة مع آخرين حال استقلالها سيارتها، وتطورت المشادة إلى تراشق بالألفاظ الخارجة.
