عادل زيدان لـ"كلم ربنا" شعرت بألم الفقر والعوز وأنا عندي خمس سنين

تحدث النائب عادل زيدان، عضو مجلس الشيوخ، عن حياة الفقر التي كان يعيشها، قائلا: لما نقلنا من بيت العائلة، إلى بيت صغير كان مبني من الطين وسقفه من الخشب، ووقتها كان عندي خمس سنين، كنا في شهر شعبا والجو ممطر، وقتها شعرت بألم الفقر وأن الفقر هو أكبر عدو للإنسان، ويذل صاحبه.

قولت لربنا: انت أكيد عند الحل

وأضاف "زيدان" خلال لقائه بحلقة اليوم من برنامج "كلم ربنا" الذي قدمه الكاتب الصحفي أحمد الخطيب، ويذاع على راديو 9090: "في الوقت ده كلمت بنا "يا رب يرضيك إن احنا نبقى كده.. انت خلقتنا علشان تعذبنا، طب أنا اقدر اتحمل لكن اخواتي البنات يتحملو ازاي، متابعا: اخواتي نايمين جنبي وأنا صاحي بكلم ربنا" يارب انت أكيد عندك الحل".

وأوضح “زيدان” وقتها كنت بفكر، في زمايلي اللي بيوتهم مبنية بالطوب وسقفها بالمسلح، قولت لربنا سايبنا لمين يا رب، احنا ليه معندناش بيت زي الناس".

ليه معندناش بيت زي الناس

وواصل “زيدان” صحيت الصبح وفكرت إن أروح على أقرب بيت من بيوت زمايلي اللي بيتهم مبني بالطوب، علشان أشوف عاشوا ازاي في المطر، وطلعت الشارع وجدت إنه كل طين، فدخلت البيت عند صاحبي لقيت البيت نظيف وأنا أنظر للسقف مش لاقي نقطة مياه نازلة.. هنا بدأت الحكاية وبدأت تشكل علاقتي بربنا".

وفي سياق آخر، قال النائب عادل زيدان، إنه كان يعيش في أسرة فقيرة، موضحا أن والده كان أخًا لخمس أخوات يعيشون في منزل واحد.

عادل زيدان: عشت في أسرة فقيرة

وأضاف "زيدان": "والدي قرر يعزل من البيت ده، وكان وقتها موظف في مصنع الغزل والنسيج في كوم حمادة على بعد 3 ك من القرية.

وتابع: والدي كان فلاح في الأرض ووالدتي كانت ربة منزل، وأنا كنت الأخ الأكبر لبنتين، والدي قرر يعزل لأنه كان عايز يستقيم بحياته ويستقل بأبنائه، فذهبنا إلى منزل على قيراط نصفه مبني والنصف الثاني غير مبني، وكان مبني من الطين وسقفه من الخشب.

وواصل: كانت الصدمة بالنسبة لي لما من بيت جدي  وأنا عندي خمس سنين،  وقتها كنت أول مرة في حياتي أعرف يعني إيه شتاء وألم الفقر وشدة العوز.